கடலூரில் 2 -ஆவது நாளாக மழை

கடலூரில் 2- ஆவது நாளாக புதன்கிழமையும் மழை பெய்ததால் பொதுமக்கள் மகிழ்ச்சியடைந்தனர்.
 கடந்த மே 28 -ஆம் தேதியுடன் அக்னி நட்சத்திரம் முடிவடைந்தும் கடலூர் மாவட்டத்தில் கோடை வெயிலின் தாக்கம் அதிகரித்தே காணப்பட்டது. உச்சபட்சமாக மே 29-ஆம் தேதி 107.6 டிகிரி வெயில் கொளுத்தியது. தொடர்ந்து 100 டிகிரியை தாண்டி வெயிலின் தாக்கம் இருந்து வந்தது.
 இந்த நிலையில், திங்கள்கிழமை மாலை திடீரென மேகங்கள் சூழ்ந்து சிறிது நேரம் மழை பெய்தது.
 தொடர்ந்து, செவ்வாய்க்கிழமை வெயிலின் தாக்கம் அதிகமாக இருந்த நிலையில், புதன்கிழமை மாலை கடலூர் மாவட்டத்தில் பண்ருட்டி, நெய்வேலி, விருத்தாசலம், சிதம்பரம் உள்பட பல்வேறு பகுதிகளில் மழை பெய்தது. குறிப்பாக, கடலூரில் சுமார் ஒரு மணி நேரத்துக்கும் மேலாக பலத்த காற்றுடன் கூடிய மழை பெய்தது. இதன் காரணமாக வெப்பம் தணிந்து, குளிர்ச்சியான சூழல் நிலவியதால், பொதுமக்கள் மகிழ்ச்சியடைந்தனர்.