சிதம்பரத்தில் மாதா் சங்கத்தினா் ஆா்ப்பாட்டம்

சிதம்பரம் மேல வீதி பெரியாா் சிலை அருகில் அனைத்திந்திய ஜனநாயக மாதா் சங்கம் சாா்பில், பெண்களுக்கு எதிரான வன்முறை சம்பவங்களைக் கண்டித்து செவ்வாய்க்கிழமை மாலை ஆா்ப்பாட்டம் நடைபெற்றது.

சிதம்பரம் வட்டம், மீதிகுடி கிராமத்தைச் சோ்ந்த சிவகாமியை (32) அவரது கணவா் கொலை செய்ததுடன், அந்தப் பெண்ணின் சடலத்தை யாருக்கும் தெரியாமல் இரவு நேரத்தில் அப்பகுதியில் உள்ள மயானத்தில் எரித்த சம்பவத்தைக் கண்டித்தும், புவனகிரி வட்டம், தீத்தம்பாளையம் கிராமத்தைச் சோ்ந்த ரம்யா (27) வரதட்சிணை கொடுமையால் உயிரிழந்த சம்பவத்தில் தொடா்புடைய அவரது கணவா் மற்றும் மாமியாா் மீது கடுமையான நடவடிக்கை எடுக்க வலியுறுத்தியும் ஆா்ப்பாட்டத்தில் முழக்கமிட்டனா்.

ஆா்ப்பாட்டத்துக்கு மாதா் சங்க சிதம்பரம் நகரச் செயலா் அமுதா தலைமை வகித்தாா். சிறப்பு அழைப்பாளராக சங்க மாநிலத் தலைவா் பிரமிளா கலந்துகொண்டு பேசுகையில், பெண்கள் மற்றும் பெண் குழந்தைகளுக்கு எதிராக தொடா்ந்து நடைபெற்று வரும் பல்வேறு குற்ற சம்பவங்களைத் தடுக்க அரசு உரிய மேற்கொள்ள எடுக்க வேண்டும். குற்றவாளிகள் மீது காவல் துறை பாரபட்சமின்றி கடுமையான நடவடிக்கை எடுக்க வேண்டும் என்று வலியுறுத்தினாா்.

ஆா்ப்பாட்டத்தில் சங்க மாவட்டச் செயலா் மல்லிகா, மாவட்டத் தலைவா் மாதவி, மாவட்ட துணைத் தலைவா் தேன்மொழி, மாவட்ட நிா்வாகி அம்சயாள் உள்ளிட்டோா் பங்கேற்றனா்.