சிதம்பரத்தில் ஸ்ரீசிவகாமசுந்தரி அம்மன் கோயில் தேரோட்டம்

சிதம்பரம் நடராஜா் கோயிலில் அமைந்துள்ள ஸ்ரீசிவகாமசுந்தரி அம்மன் கோயில் ஐப்பசி பூர உற்சவத்தையொட்டி தேரோட்டம் செவ்வாய்க்கிழமை நடைபெற்றது. இதில், திரளான பக்தா்கள் பங்கேற்று தேரை வடம் பிடித்து இழுத்தனா்.

சிதம்பரம் ஸ்ரீநடராஜா் கோயில் சிவகங்கை குள மேற்கு கரையில் அமைந்துள்ள திருக்காமக்கோட்டம் என்ற ஸ்ரீசிவகாம சுந்தரி அம்மன் கோயிலில் ஐப்பசி பூர உற்சவம் கடந்த அக்.26-ஆம் தேதி இரவு கொடியேற்றத்துடன் தொடங்கியது. தொடா்ந்து, தினமும் சுவாமி வீதியுலா நிகழ்ச்சி நடைபெற்றது.

இதன் தொடா்ச்சியாக, செவ்வாய்க்கிழமை தேரோட்டம் நடைபெற்றது. சிவகாம சுந்தரி அம்மன் தேரில் சிறப்பு அலங்காரத்தில் எழுந்தருளியதைத் தொடா்ந்து, கீழ ரத வீதி தேரடி நிலையிலிருந்து தோ் புறப்பட்டு, தெற்கு ரத வீதி, மேல ரத வீதி, வடக்கு ரத வீதி வழியாகச் சென்று மீண்டும் கீழ ரத வீதியில் உள்ள தோ் நிலையை அடைந்தது. திரளான பக்தா்கள் பங்கேற்று தேரை வடம் பிடித்து இழுத்து அம்மனை வழிபட்டனா்.

கோயிலில் மாலை யாகசாலை பூஜை தொடங்கப்பட்டு, சிவகாம சுந்தரி அம்மனுக்கு லட்சாா்ச்சனை நடைபெற்றது.

புதன்கிழமை (நவ.4) பட்டு வாங்கும் உற்சவமும் மற்றும் பூரச்சலங்கை உற்சவமும், உற்சவ அம்மனுக்கு மகாபிஷேகம், தீபாராதனையும் நடைபெறுகிறது.

வியாழக்கிழமை (நவ.5) இரவு ஸ்ரீசிவானந்த நாயகி சமேத ஸ்ரீசோமாஸ்கந்தா் திருக்கல்யாண உற்சவம் நடைபெறுகிறது. இதற்கான ஏற்பாடுகளை கோயில் பொது தீட்சிதா்கள் செய்துள்ளனா்.