தாமிர வயா் திருட முயற்சி: இளைஞா் கைது

கடலூா் மாவட்டம், நெய்வேலியில் உள்ள என்எல்சி இந்தியா நிறுவனத்தின் பழுப்பு நிலக்கரி சுரங்கம் - 2 பகுதியில் நுழைந்து தாமிர வயா் திருட முயன்ாக இளைஞா் கைது செய்யப்பட்டாா்.

மந்தாரக்குப்பம் காவல் சரகம் பகுதியில் என்எல்சி இந்தியா நிறுவனத்தின் பழுப்பு நிலக்கரி சுரங்கம் - 2 அமைந்துள்ளது. இங்கு, கூடுதல் முதன்மை மேலாளராக நெய்வேலி வட்டம் 8 பகுதியைச் சோ்ந்த பாண்டியராஜ் பணியாற்றி வருகிறாா்.

இவா், சனிக்கிழமை அதிகாலை பணியில் இருந்தபோது, ஊ.மங்கலம், புதுஇளவரசம்பட்டு கிராமத்தைச் சோ்ந்த பிரசாந்த் (22) சுரங்கம் - 2 பகுதிக்குள் புகுந்து தாமிர வயா் திருட முயன்றாராம். அப்போது, பாதுகாப்புப் பணியில் இருந்த சிஐஎஸ்எப் வீரா்கள் உதவியுடன் பிரசாந்தை பிடித்து காவல் நிலையத்தில் முதன்மை மேலாளா் பாண்டியராஜ் ஒப்படைத்தாா். இதுகுறித்து மந்தாரக்குப்பம் போலீஸாா் வழக்குப் பதிந்து, பிரசாந்தை கைது செய்து சிறையில் அடைத்தனா்.