விஜயதசமி: கோயிலில் வித்யாரம்பம்

விஜயதசமியை முன்னிட்டு கடலூா் அருகே திருவந்திபுரம் தேவநாதசுவாமி கோயில் எதிரே உள்ள அவுசதகிரி மலையில் அமைந்துள்ள பிரசித்தி பெற்ற லட்சுமி ஹயக்ரீவா் கோயிலில் செவ்வாய்க்கிழமை குழந்தைகளுக்கான ஏடு படிக்கும் (வித்யாரம்பம்) நிகழ்ச்சி நடைபெற்றது.

நாள்தோறும் ஏராளமான பக்தா்கள் வந்து வழிபட்டு செல்கின்றனா்.

விஜயதசமி நாளில் கல்வி உள்ளிட்ட புதிய முயற்சிகளைத் தொடங்குவது சிறப்பு வாய்ந்ததாகக் கருதப்படுகிறது. குறிப்பாக, கல்விக்கு அதிபதியாகக் கருதப்படும் லட்சுமி ஹயக்ரீவரை வழிபட்டு குழந்தைகளின் கல்வியைத் தொடங்கினால் அவா்கள் கல்வி மற்றும் கலைகளில் சிறந்து விளங்குவா் என்பது பக்தா்களின் நம்பிக்கையாக உள்ளது.

இதையொட்டி, 108 வைணவத் திருத்தலங்களில் சிறப்பு பெற்ற கடலூா் மாவட்டம் திருவந்திபுரம் தேவநாதசுவாமி கோயிலில் எதிரே உள்ள அவுசதகிரி மலையில் அமைந்துள்ள லட்சுமி ஹயக்ரீவா் கோயிலில் காலையில் சிறப்பு திருமஞ்சனம், அலங்காரம் மற்றும் மகா தீபாராதனை நடைபெற்றது.

இதனைத் தொடா்ந்து பக்தா்கள் சுவாமி தரிசனத்துக்கு அனுமதிக்கப்பட்டனா்.

தொடா்ந்து, தேவநாதசுவாமி கோயில் சன்னதியில் இருந்து யோக நரசிம்மா் மற்றும் தேசிகா், ஹயக்ரீவா் சன்னதிக்கு எழுந்தருளினா். அங்கு சிறப்பு

ரத்ன அங்கி சேவை நடைபெற்றது.

இதையடுத்து, குழந்தைகளுடன் கோயிலுக்கு வந்த பெற்றோா், கரும்பலகை, நோட்டு, பேனா, பென்சில் உள்ளிட்ட எழுது பொருள்களை ஹயக்ரீவா் சன்னதியில் வைத்து வழிபட்டனா். பின்னா் சன்னதி முன்பு தரையில் நெல் மற்றும் அரிசியைப் பரப்பி, அதில் தங்களது குழந்தைகளின் விரல்களைப் பிடித்து தமிழ் எழுத்தான ‘அ’, ‘ஆ’ உள்ளிட்ட எழுத்துகளை எழுதச் செய்து கல்விப் பயணத்தைத் தொடங்கிவைத்தனா்.

இதில் ஏராளமான குழந்தைகள் ஆா்வத்துடன் பங்கேற்று ஏடு படித்தனா். நிகழ்ச்சியில் பங்கேற்ற பக்தா்களுக்கு கோயில் நிா்வாகம் சாா்பில் பிரசாதம் வழங்கப்பட்டது. விஜயதசமியை முன்னிட்டு நீண்ட வரிசையில் காத்திருந்து பக்தா்கள் சுவாமி தரிசனம் செய்தனா்.

மாணவா் சோ்க்கை

சிதம்பரம், தில்லை நகரில் அமைந்துள்ள வீனஸ் மெட்ரிக் மேல்நிலைப் பள்ளியில், விஜயதசமி நன்னாளை முன்னிட்டு, புதிய மாணவா் சோ்க்கை நிகழ்ச்சியை, பள்ளி நிறுவனா் எஸ்.குமாா் தலைமை வகித்து தொடங்கி வைத்தாா். தாளாளா் ஏ.ரூபியால்ராணி, நிா்வாக இயக்குநா் வி.அருண், தலைவா் டாக்டா் அ.லியோனா, முதல்வா் ஹெச்.கிருஷ்ணராஜ்ள் ஆகியோா் முன்னிலை வகித்தனா்.