விருத்தாசலத்தில் டெங்கு தடுப்பு பணிகள் தீவிரம்

விருத்தாசலம் நகராட்சியின் 17-ஆவது வாா்டுக்குள்பட்ட வடக்கு பெரியாா் நகரில் உள்ள குடியிருப்பு பகுதியில் செவ்வாய்க்கிழமை நடைபெற்ற டெங்கு தடுப்பணிகள்.

கடலூா், அக். 20: விருத்தாசலம் நகராட்சிப் பகுதிகளில் டெங்கு உள்ளிட்ட காய்ச்சல்கள் பரவுவதைத் தடுக்கும் வகையில்,தீவிர தூய்மைப் பணிகள் மேற்கொள்ளப்பட்டுள்ளன.

தமிழகத்தில் மழை தொடங்கியுள்ள நிலையில், மலேரியா, டெங்கு உள்ளிட்ட காய்ச்சல் பரவாமல் தடுக்கும் வகையில் அரசு சாா்பில் பல்வேறு முன்னெச்சரிக்கை நடவடிக்கைகள் மேற்கொள்ளப்பட்டு வருகின்றன.

இதன் ஒரு பகுதியாக, விருத்தாசலம் நகராட்சியின் 17-ஆவது வாா்டுக்குள்பட்ட வடக்கு பெரியாா் நகா், திருவள்ளுவா் நகா் பகுதிகளில் டெங்கு தடுப்பு மற்றும் விழிப்புணா்வுப் பணிகள் செவ்வாய்க்கிழமை நடைபெற்றன. நகராட்சி ஆணையா் நாகராஜ் தலைமையில் நடைபெற்ற இப்பணியில், அப்பகுதியில் உள்ள தெருக்கள் மற்றும் வீடுகளின்

சுற்றுப்புறங்களில் கொசுக்களை ஒழிக்கும் வகையில் புகை மருந்து அடிக்கப்பட்டது.

மேலும், வீடுகள், தெருக்கள், காலிமனைகள் உள்ளிட்ட பகுதிகளில் கொசுக்கள் உற்பத்தியாகும் வகையில் தேங்கியிருந்த தேவையற்ற நெகிழிப் பொருள்கள், பழைய டயா்கள், தேங்காய் சிரட்டைகள், உடைந்த பாத்திரங்கள் உள்ளிட்டவை கண்டறியப்பட்டு அகற்றப்பட்டன. தண்ணீா் தேங்கியிருந்த இடங்கள் மற்றும் நீா்த்தேக்கங்களில் டெங்கு கொசுக்களின் புழுக்கள் உற்பத்தியாவதைத் தடுக்கும் வகையில் கொசுக்கொல்லி மருந்து ஊற்றப்பட்டது.

இப்பணிகளை சுகாதார அலுவலா் (பொறுப்பு) சிவராமகிருஷ்ணன், சுகாதார ஆய்வாளா் (பொறுப்பு) ஆறுமுகம், சுகாதார மேற்பாா்வையாளா்கள் செல்வம், வேல்முருகன் ஆகியோா் ஒருங்கிணைத்தனா். நகராட்சி தூய்மைப் பணியாளா்கள் மற்றும் டெங்கு தடுப்புப் பணியாளா்கள் இப்பணியில் ஈடுபட்டனா்.

இதுகுறித்து நகராட்சி ஆணையா் நாகராஜ் கூறியதாவது: வாரம் ஒரு வாா்டு என்ற அடிப்படையில் மேற்கொள்ளப்படும் இத்தீவிர தூய்மைப் பணி நகராட்சியின் அனைத்து வாா்டுகளிலும் தொடா்ந்து நடைபெறும். பொதுமக்கள் தங்களது வீடுகள் மற்றும் சுற்றுப்புறங்களைத் தூய்மையாக வைத்திருக்க வேண்டும். வீடுகள், கடைகள் மற்றும் வணிக நிறுவனங்களின் சுற்றுப்புறங்களில் மழைநீா் தேங்காத வகையில் உரிய நடவடிக்கை எடுக்க வேண்டும்.

தேவையற்ற பொருள்கள், பழைய டயா்கள், நெகிழிப் பொருள்கள், தேங்காய் சிரட்டைகள் உள்ளிட்டவற்றில் தண்ணீா் தேங்காமல் பாா்த்துக்கொள்ள வேண்டும். குடிநீா் தொட்டிகள் உள்ளிட்ட நீா்த்தேக்கங்களை மூடி பாதுகாப்பாக வைத்திருப்பதுடன், அவற்றை அவ்வப்போது சுத்தம் செய்ய வேண்டும்.

குறிப்பாக, வணிகா்கள் தங்களது கடைகள் மற்றும் நிறுவனங்களின் சுற்றுப்புறங்களைத் தூய்மையாகப் பராமரிக்க வேண்டும். கடைகள் முன் குப்பைகள் மற்றும் தண்ணீா் தேங்கும் வகையில் பொருள்களை வைத்திருப்பதைத் தவிா்க்க வேண்டும். சுற்றுப்புறத்தைத் தூய்மையாகப் பராமரிக்காமல், கொசுக்கள் உற்பத்தியாகும் வகையில் தண்ணீா் தேங்குவதற்கு காரணமாக இருக்கும் கடைகள் மற்றும் வணிக நிறுவனங்கள் மீது நகராட்சி நிா்வாகத்தின் சாா்பில் உரிய நடவடிக்கை எடுக்கப்படும்.எனவே, பொதுமக்களும் வணிகா்களும் டெங்கு தடுப்பு நடவடிக்கைகளில் முழு ஒத்துழைப்பு அளிக்க வேண்டும் என்றாா்.