புகையிலைப் பொருள்கள் பறிமுதல்

கடலூா் துறைமுகம் ரயில் நிலையத்தில் ரயில்வே பாதுகாப்புப் படையினா் நடத்திய சோதனையில், முன்பதிவில்லா பெட்டியில் கேட்பாரற்றுக் கிடந்த பெட்டியில் இருந்து ரூ.19 ஆயிரம் மதிப்பிலான புகையிலைப் பொருள்கள் சனிக்கிழமை பறிமுதல் செய்யப்பட்டன.

கடலூா் ரயில்வே பாதுகாப்புப் படை ஆய்வாளா் ஸ்ரீதரன் தலைமையிலான போலீஸாா், கடலூா் துறைமுகம் ரயில் நிலையத்தில் சனிக்கிழமை வழக்கமான சோதனையில் ஈடுபட்டிருந்தனா்.

அப்போது, 3-ஆவது நடைமேடையில் நின்று கொண்டிருந்த மைசூரு விரைவு ரயிலில் போலீஸாா் ஏறி, பயணிகளின் உடைமைகள் மற்றும் ரயில் பெட்டிகளில் சோதனை மேற்கொண்டனா். அப்போது முன்பதிவில்லா பெட்டியில் பயணிகளால் உரிமை கோரப்படாத நிலையில் ஒரு பெட்டி கிடந்தது.

அந்தப் பெட்டியை போலீஸாா் கைப்பற்றி சோதனையிட்டனா். அதில் அரசால் தடை செய்யப்பட்ட பல்வேறு வகையான புகையிலைப் பொருள்கள் இருப்பது தெரியவந்தது. இதன் மதிப்பு ரூ.19 ஆயிரம் எனத் தெரியவந்தது. இதைத்தொடா்ந்து, புகையிலைப் பொருள்களை பறிமுதல் செய்த ரயில்வே பாதுகாப்புப் படையினா், அவற்றை ரயிலில் கடத்தி வந்தவா் யாா் என்பது குறித்து விசாரணை மேற்கொண்டு வருகின்றனா்.