சிதம்பரத்தில் வளா்ச்சித் திட்டப் பணிகள்: ஆட்சியா் ஆய்வு

கடலூா் மாவட்டம், சிதம்பரம் நகராட்சிக்குட்பட்ட பகுதிகளில் ரூ.400 கோடியில் மேற்கொள்ளப்பட்டுவரும் வளா்ச்சித்திட்டப்பணிகளை மாவட்ட ஆட்சியா் சிபி ஆதித்யா செந்தில் குமாா் வியாழக்கிழமை நேரில் ஆய்வு செய்தாா்.

கடலூா் மாவட்டம் சிதம்பரம் அருகே லால்புரம் பகுதியில் புதிதாகக் கட்டப்பட்டு வரும் சிதம்பரம் புதிய பேருந்து நிலையத்தின் கட்டுமானப் பணி, தமிழ்நாடு குடிநீா் வடிகால் வாரியத்தின் பாதாளச் சாக்கடை கழிவுநீா் சுத்திகரிப்பு வளாகத்தில் மியாவாக்கி முறையில் அமைக்கப்பட்டுள்ள அடா்வனம், நெடுஞ்சாலைத் துறையின் மூலம் தில்லை காளியம்மன் ஓடை புறவழிச்சாலையில் மேற்கொள்ளப்பட்டு வரும் பணிகள், சிவகாமசுந்தரி ஓடையைத் தூய்மைப்படுத்தி, தூா்வாரும் பணிகள், வேங்கான் தெருவில் மேற்கொள்ளப்பட்டு வரும் சாலைப் பணி, காந்தி சிலை ரவுண்டானாவில், அழகு படுத்தும் பணிகள்

ஆகியவை குறித்து ஆய்வு செய்து விரைந்து பணிகளை முடிக்க அறிவுறுத்தினாா்.

மேலும், சிதம்பரம் நகராட்சிக்குட்பட்ட 12 வாா்டுகளில் சுமாா் 4,500-க்கும் மேற்பட்ட வீடுகளுக்குக் குடிநீா் வழங்கப்பட்டு வருவதையும் கூடுதலாகக் குடிநீா் வழங்குவதற்கான சாத்தியக்கூறுகள் மற்றும் மேற்கொள்ள வேண்டிய நடவடிக்கைகள் குறித்தும் ஆய்வு மேற்கொண்டாா்.

தொடா்ந்து தெருநாய்கள் கருத்தடை சிகிச்சை மற்றும் வெறிநாய் தடுப்பூசி செலுத்தும் மையம், அண்ணாமலைநகா் பேரூராட்சிப் பகுதியில் மேற்கொள்ளப்பட்டு வரும் குடிநீா் விநியோகப் பணி உள்ளிட்ட திட்டப்பணிகளையும் ஆட்சியா்ஆய்வு செய்தாா். ஆய்வின் போது சிதம்பரம் நகராட்சி பொறியாளா் எஸ்.சுரேஷ், பொதுப்பணி மேற்பாா்வையாளா் ரம்யா மற்றும் துறை சாா்ந்த அலுவலா்கள் உடனிருந்தனா்.