அரசுப் பேருந்து ஓட்டுநா் மீது வழக்கு: காவல் நிலையத்தை முற்றுகையிட்ட தொழிற்சங்க நிா்வாகிகள்

விபத்து வழக்கில் காயமடைந்த நபா் மருத்துவமனையில் உயிரிழந்த விவகாரம் தொடா்பாக போலீஸாா், அரசுப் பேருந்து ஓட்டுநா் மீது வழக்குப் பதிவு செய்ததைக் கண்டித்து, தமிழ்நாடு அரசுப் போக்குவரத்துக் கழக கடலூா் மண்டல தொழிற்சங்க நிா்வாகிகள், அதிகாரிகள் மற்றும் ஓட்டுநா்கள், நடத்துநா்கள் குள்ளஞ்சாவடி காவல் நிலையத்தில் வியாழக்கிழமை முற்றுகையிட்டதால் பரபரப்பு நிலவியது.

வடலூா் பணிமனைக்குச் சொந்தமான நகரப் பேருந்து வழித்தடம் எண் 9 பி, குறிஞ்சிப்பாடியில் இருந்து பாலூருக்கு இயக்கப்படுகிறது. கடந்த 22-ஆம் தேதி இந்தப் பேருந்தை குறிஞ்சிப்பாடி பகுதியைச் சோ்ந்த ஓட்டுநா் கௌதமன் இயக்கினாா். கீரப்பாளையம் பகுதியைச் சோ்ந்த ராஜன் நடத்துநாகப் பணியில் இருந்தாா்.

அன்று காலை 10 மணியளவில் கோ.சத்திரம் பள்ளிக்கூடம் பேருந்து நிறுத்தத்தில் பேருந்தை நிறுத்தி பள்ளி மாணவா்களை இறக்கிவிட்டுக் கொண்டிருந்தனராம். அப்போது, மொபெட்டில் வந்த கோ.சத்திரம் பகுதியைச் சோ்ந்த ராஜ்குமாா் (32) பேருந்து பின்னால் மோதி கீழே விழுந்து காயமடைந்தாா். விழுப்புரம் மருத்துவக் கல்லூரி மருத்துவமனையில் சிகிச்சை பெற்று வந்த ராஜ்குமாா் புதன்கிழமை உயிரிழந்தாா். இதுகுறித்து அவரது மனைவி சுமதி அளித்த புகாரின்பேரில், குள்ளஞ்சாவடி போலீஸாா் அரசுப் பேருந்து ஓட்டுநா் மீது வழக்குப் பதிவு செய்தனா்.

காவல் நிலையத்தில் குவிந்த தொழிற்சங்கத்தினா்...: இந்த விபத்தில் அரசுப் பேருந்து ஓட்டுநா் மீது வழக்குப் பதிவு செய்த தகவல் பரவியது. இதையடுத்து, கடலூா் மண்டல அதிகாரிகள், அனைத்துத் தொழிற்சங்க பொறுப்பாளா்கள், ஓட்டுநா்கள் மற்றும் நடத்துநா்கள் 100-க்கும் மேற்பட்டோா் குள்ளஞ்சாவடி காவல் நிலையத்தில் குவிந்தனா்.

அவா்கள் வழக்கின் தன்மையை அறியாமல் காவல் துறையினா் வழக்குப் பதிவு செய்ததற்கு கண்டனம் தெரிவித்தனா். மேலும், ஓட்டுநா் மீது பதியப்பட்ட வழக்கை ரத்து செய்ய வேண்டும் என வலியுறுத்தினா். இதனால், குள்ளஞ்சாவடி காவல் நிலைய பகுதியில் பரபரப்பு ஏற்பட்டது.

இது தொடா்பாக, குள்ளஞ்சாவடி காவல் துறை அதிகாரிகளுடன், போக்குவரத்துக் கழக அதிகாரிகள், தொழிற்சங்க நிா்வாகிகள் பேச்சுவாா்த்தை நடத்தினா். அப்போது, தொழிற்சங்க நிா்வாகம் சாா்பில் விபத்து தொடா்பாக வழக்குப் பதிவு செய்ய வேண்டும் என்று மனு அளிக்கப்பட்டது. இதை பெற்றுக்கொண்ட காவல் துறை அதிகாரி, கோரிக்கைகள் தொடா்பாக உரிய நடவடிக்கை எடுக்கப்படும் எனத் தெரிவித்தாா். இதையடுத்து, அனைவரும் கலைந்துச் சென்றனா்.