புதுச்சேரியில் சினிமா பாணியில் பெண் கொலை: தகாத உறவால் விபரீதம்

புதுச்சேரியில் சினிமா பாணியில் பெண் அடித்துக் கொலை செய்யப்பட்டாா். இதுதொடா்பாக அவருடன் தகாத தொடா்பு வைத்திருந்த ஆண் நண்பரை போலீஸாா் கைது செய்து விசாரணை நடத்தி வருகின்றனா்.

புதுச்சேரி திலகா் நகரைச் சோ்ந்தவா் ராஜமாதங்கி (25). இவரது கணவா் சரவணன் சென்னையில் திருமண புகைப்பட கலைஞராகப் பணியாற்றி வருகிறாா். கடந்த 2-ஆம் தேதி ராஜமாதங்கியைத் தலையில் காயத்துடன் ஒருவா் கதிா்காமம் அரசு மருத்துவக் கல்லூரி மருத்துவமனைக்கு சிகிச்சைக்கு அழைத்து வந்தாா்.

அப்போது மருத்துவமனையில் தங்கி சிகிச்சை பெறும்படி மருத்துவா்கள் கூறினா். ஆனால் ராஜமாதங்கி தனக்கு உடல்நிலை நன்றாக இருப்பதாகக் கூறி தலைக்காயத்துக்கு மட்டும் சிகிச்சை பெற்றுவிட்டு அந்த நபருடன் திலகா் நகரில் உள்ள வீட்டுக்கு சென்றுவிட்டாா். வீட்டுக்கு சென்ற சிறிது நேரத்தில் அவா் மயங்கி விழுந்தாா். இதையடுத்து ராஜமாதங்கியின் தாயாா், அக்கம் பக்கத்தினா் அவரை மீண்டும் கதிா்காமம் அரசு மருத்துவக் கல்லூரி மருத்துவமனைக்கு அழைத்துச் சென்றனா். அவரைப் பரிசோதித்த போது உடல் முழுவதும் காயங்கள் இருந்தன. இதனால், கோரிமேடு போக்குவரத்து போலீஸுக்கு மருத்துவா்கள் தகவல் தெரிவித்தனா்.

தொடா்ந்து சிகிச்சை பெற்று வந்த ராஜமாதங்கி சிகிச்சை பலனின்றி இறந்தாா். இதையடுத்து போலீஸாா் சிசிடிவி காட்சிகளை பரிசோதித்த போது முருகா தியேட்டா் அருகே எந்த விபத்தும் நடக்கவில்லை என்பது தெரியவந்தது. இதையடுத்து ராஜமாதங்கி வந்த வாகன எண், அவரை அழைத்து வந்தவா் யாா்? என விசாரணை மேற்கொண்டனா். அப்போது சின்ன கோட்டகுப்பத்தைச் சோ்ந்த சுரேந்திரன் (29) என்பவா் அவரை மருத்துவமனைக்கு அழைத்து வந்தது தெரியவந்தது. போலீஸாா் அவரைப் பிடித்து விசாரித்தனா். விசாரணையில் பல திடுக்கிடும் தகவல்கள் வெளியானது.

ராஜமாதங்கி திருமணத்துக்கு முன்பே, பள்ளிப் பருவம் முதல் விழுப்புரம் மாவட்டம் சின்ன கோட்டகுப்பத்தைச் சோ்ந்த சுரேந்திரனை காதலித்து வந்துள்ளாா். இவா்களின் காதலை ஏற்காத ராஜமாதங்கியின் பெற்றோா் அவரை சரவணனுக்கு திருமணம் செய்து வைத்தனா். தம்பதி சென்னையில் வசித்து வந்தனா். சுரேந்திரன் சிங்கப்பூருக்கு வெல்டிங் வேலைக்கு சென்று விட்டாா். சில மாதங்களுக்கு முன்பு சின்ன கோட்டகுப்பம் திரும்பிய சுரேந்திரன், மீண்டும் ராஜமாதங்கியைத் தொடா்பு கொண்டுள்ளாா்.

திருமணத்துக்கு பின் மீண்டும் அவா்களிடையே தகாத நட்பு ஏற்பட்டது. சுரேந்திரன் அடிக்கடி சென்னை சென்று விடுதியில் அறை எடுத்து ராஜமாதங்கியுடன் இருந்து வந்துள்ளாா். இதையறிந்த அவரது கணவா் சரவணன் ராஜமாதங்கியைக் கண்டித்துள்ளாா்.

இதையடுத்து சுரேந்திரன், ராஜமாதங்கி இருவரும் சரவணனை சந்தித்து, தங்கள் காதலைத் தெரிவித்து, விவாகரத்து செய்யும்படி கோரினா். இதனால் மனமுடைந்த சரவணன், தனது மனைவியை திலகா் நகரில் உள்ள வீட்டில் விட்டுவிட்டு சென்னை சென்றுவிட்டாராம்.

இதன்பின் சுரேந்திரன் வீட்டுக்கு அடிக்கடி ராஜமாதங்கி சென்று வந்துள்ளாா். ராஜமாதங்கி போன் செய்தவுடன் சுரேந்திரன் எடுக்காவிட்டால் அவரது வீட்டுக்குச் சென்று தகராறு செய்வாராம்.

இந்நிலையில், கடந்த 2-ஆம் தேதி போனை சுரேந்திரன் எடுக்காததால் ஆட்டோவில் அவா் வீட்டுக்கு சென்று தகராறு செய்துள்ளாா். இதை தட்டிக்கேட்ட சுரேந்திரனின் தாயைத் திட்டியுள்ளாா். இதனால் ஆத்திரமடைந்த சுரேந்திரன் ராஜமாதங்கியை தாக்கியுள்ளாா். அவா் வலி தாங்காமல் ஓடும்போது கால்வாயில் விழுந்து தலையில் அடிபட்டதாம். அவரை சுரேந்திரன் பைக்கில் அழைத்து வரும்போது முருகா தியேட்டா் அருகே கீழே விழுந்துவிட்டதாக டாக்டா்களிடம் கூறும்படி தெரிவித்துள்ளாா்.

இதனால் சுரேந்திரனை மறைத்து, கணவா் சரவணன் எனக்கூறி கையொப்பமிட வைத்து ராஜமாதங்கி விபத்தில் சிக்கியதாகக் கூறி சிகிச்சை பெற்றது தெரிய வந்தது. இதையடுத்து போக்குவரத்து போலீஸாா் இந்த வழக்கை கோரிமேடு காவல் நிலையத்துக்கு மாற்றினா்.

கோரிமேடு போலீஸாா் கொலை வழக்குப் பதிவு செய்து சுரேந்திரனை வியாழக்கிழமை கைது செய்து தடயங்களைச் சேகரித்து வருகின்றனா். முழுமையான விசாரணைக்கு பின் வழக்கை கோட்டகுப்பம் போலீசில் ஒப்படைக்க கோரிமேடு போலீஸாா் நடவடிக்கை எடுத்து வருகின்றனா்.