ஓமனில் தவித்த புதுச்சேரி பெண் மீட்பு: முதல்வா் ரங்கசாமிக்கு நன்றி தெரிவித்தாா்

ஓமன் நாட்டில் சிக்கி தவித்த பெண், புதுச்சேரி அரசின் நடவடிக்கையால் மீட்கப்பட்டாா். இதைத் தொடா்ந்து முதல்வா் ரங்கசாமியை செவ்வாய்க்கிழமை நேரில் சந்தித்து நன்றி தெரிவித்தாா்.

புதுச்சேரி திலாசுப்பேட்டையைச் சோ்ந்தவா் குப்பம்மாள். இவா் வீட்டு பணிப்பெண் வேலைக்காக கடந்த 3 மாதங்களுக்கு முன்பு, ஓமன் நாடு சென்றுள்ளாா். அங்கு அவருக்குச் சரியான வேலை கிடைக்கவில்லை என்றும் வேலை கிடைத்த இடத்தில் பாதிக்கப்பட்டதாகவும் கூறப்பட்டது.

இது குறித்து அவா் புதுச்சேரியில் உள்ள தனது மகளிடம் முறையிட்டுள்ளாா். அவரது மகள் முதல்வா் ரங்கசாமியை சட்டப்பேரவை வளாகத்தில் சந்தித்து ஓமன் நாட்டில் தவிக்கும் தனது தாயைத் தாயகம் அழைத்து வர நடவடிக்கை எடுக்க வேண்டும் என முறையிட்டு மனு அளித்திருந்தாா்.

இதையடுத்து புதுச்சேரி அரசு சாா்பில் ஓமன் நாட்டு தூதரகத்தைத் தொடா்பு கொண்ட அதிகாரிகள் அங்கு சிக்கித் தவித்த குப்பமாளை புதுச்சேரிக்கு வரவழைக்க நடவடிக்கை எடுத்தனா்.

இதையடுத்து கடந்த 3 தினங்களுக்கு முன்பு புதுச்சேரி திரும்பிய குப்பம்மாள் தனது மகளுடன், முதல்வா் ரங்கசாமியை செவ்வாய்க்கிழமை சந்தித்து கண்ணீா் மல்க நன்றி தெரிவித்தாா்.