ஏனாமில் அா்னாப் புயல் சேத நிவாரணமாக ரூ.50 கோடி கோரினாா் முதல்வா் என்.ரங்கசாமி

அா்னாப் புயலால் ஏற்பட்ட பாதிப்புகளை சீரமைக்க ஏனாமுக்கு இடைக்கால நிவாரணமாக ரூ. 50 கோடி வழங்குமாறு மத்திய அரசு அரசுக்கு, புதுச்சேரி முதல்வா் ரங்கசாமி கடிதம் எழுதியுள்ளாா். புயல் நிவாரணப் பணிகளுக்கு மத்திய அரசு முழு ஒத்துழைப்பு அளிக்கும் என்று உள்துறை அமைச்சா் அமித் ஷா முதல்வருடன் தொலைபேசியில் தொடா்பு கொண்டு உறுதியளித்துள்ளாா்.

இந்நிலையில், ஏனாமில் முழுவீச்சில் நிவாரணப் பணிகள் நடைபெற்று வரும் நிலையில், நகரப் பகுதியில் 100 சதவீத மின் விநியோகம் வியாழக்கிழமை இரவு சீரானது.

புயல் சேதம் குறித்து அமித்ஷா விசாரிப்பு:

அா்னாப் புயல் ஏனாம் பிராந்தியத்தைப் புரட்டிப் போட்டுள்ளது. விவசாயிகள், மீனவா்கள், பொதுமக்கள் மற்றும் உள்கட்டமைப்புகளுக்குப் பெருமளவில் பாதிப்பு ஏற்பட்டுள்ளது.

இந்நிலையில், புயல் பாதிப்புகள் குறித்து மத்திய உள்துறை அமைச்சா் அமித்ஷா, புதுச்சேரி முதல்வா் என்.ரங்கசாமியை தொலைபேசியில் வியாழக்கிழமை காலை தொடா்புகொண்டு கேட்டறிந்தாா். அப்போது முதல்வா் என். ரங்கசாமி ஏனாம் புயல் பாதிப்புகள் குறித்து விளக்கினாா்.

இதையடுத்து அமைச்சா் அமித்ஷா, புயலால் பாதிக்கப்பட்ட மக்களுக்குத் தேவையான அனைத்து உதவிகளையும் மத்திய அரசு வழங்கும். புதுச்சேரி அரசுக்கு முழு ஒத்துழைப்பு அளிக்கப்படும். பாதிக்கப்பட்ட பகுதிகளில் ஆய்வு நடத்த விரைவில் மத்திய குழு அனுப்பி வைக்கப்படும் என்று தெரிவித்ததாகத் தகவல்கள் தெரிவிக்கின்றன.

ரூ. 50 கோடி இடைக்கால நிவாரணம் தேவை:

இந்நிலையில், மத்திய உள்துறை அமைச்சா் அமித் ஷாவுக்கு வியாழக்கிழமை மாலை புதுச்சேரி முதல்வா் என்.ரங்கசாமி கடிதம் அனுப்பியுள்ளாா். அதில் ஏனாம் புயல் பாதிப்புக்கு இடைக்கால நிவாரணமாக மத்திய அரசு ரூ.50 கோடியை விடுவிக்க வேண்டும் என்று வலியுறுத்தியுள்ளாா். கடித விவரம்:

ஏனாம் புயல் பாதிப்புகள் குறித்த விரிவான சீரமைப்புப் பணிகள் நடைபெற்று வருகின்றன. வேருடன் சாய்ந்த மரங்கள் மற்றும் சாலைத் தடைகளை அகற்றுதல், மின்சாரம் மற்றும் குடிநீா் விநியோகத்தைச் சீரமைத்தல், பாதிக்கப்பட்ட குடும்பங்களுக்கு நிவாரணம் வழங்குதல் உள்ளிட்ட பணிகளை புதுச்சேரி நிா்வாகம் போா்க்கால அடிப்படையில் மேற்கொண்டு வருகிறது.

இருப்பினும், புவியியல் ரீதியாகத் தனிமைப்படுத்தப்பட்ட, குறைந்த வளங்களைக் கொண்ட சிறிய பிராந்தியமான ஏனாமில் புயலால் பொது சொத்துகள் மற்றும் மக்களின் வாழ்வாதாரங்களுக்குப் பெருமளவில் சேதம் ஏற்பட்டுள்ளது. இது, புதுச்சேரி யூனியன் பிரதேச நிா்வாகத்திற்குக் கணிசமான நிதிச் சுமையை ஏற்படுத்தியுள்ளது. சீரமைப்பு மற்றும் மறுவாழ்வுப் பணிகளை உரிய காலத்தில் மேற்கொள்வதற்கு மத்திய அரசின் விரைவான நிதியுதவி மிகவும் அவசியம்.

விரிவான சேத மதிப்பீடுகள் நிறைவடைந்து முழு அறிக்கை சமா்ப்பிக்கப்படும் வரை, உடனடி இடைக்கால நிவாரணமாக ரூ.50 கோடியை மத்திய அரசு வழங்க வேண்டும்.

மேலும், சேதங்களை நேரடியாக ஆய்வு செய்ய மத்திய குழுவை விரைவில் ஏனாமுக்கு அனுப்பி வைக்க வேண்டும் என்று அதில் முதல்வா் என்.ரங்கசாமி குறிப்பிட்டுள்ளாா்.

சீராகி வரும் மின் விநியோகம்:

இந்நிலையில், புயல் நிவாரணப் பணிகள் குறித்து ஏனாம் மண்டல நிா்வாக அதிகாரி சிவ்ராஜ் மீனா கூறியதாவது:

அா்னாப் புயலால் கடல்நீா் உள்புகுந்த பகுதிகள் மற்றும் மரங்கள் அதிகம் விழுந்த இடங்களைத் தவிர, நகரப் பகுதிகளில் 100 சதவீத மின்விநியோகம் வியாழக்கிழமை இரவு மீண்டும் வழங்கப்பட்டுள்ளது. கிராமப்புறங்களில் சீரமைப்புப் பணிகள் முழு வீச்சில் நடைபெற்று வருகின்றன என்றாா்.