பள்ளி, கல்லூரிகளில் ஆசிரியர் தின விழா

திருக்கோவிலூர் கலை, அறிவியல் கல்லூரியில் ஆசிரியர் தின விழா புதன்கிழமை நடைபெற்றது. 
கல்லூரித் தலைவர் ஆர்.செல்வராஜ் தலைமை வகித்து, டாக்டர் ராதாகிருஷ்ணன் உருவப் படத்துக்கு மாலை அணிவித்து மரியாதை செலுத்தி, பிறகு அவரது வாழ்க்கை வரலாறு குறித்துப் பேசினார். விழாவில் கல்லூரியில் பணிபுரியும் அனைத்து ஆசிரியர்களுக்கும் நினைவுப் பரிசு வழங்கி கௌரவிக்கப்பட்டது. 
விழாவுக்கு, கல்லூரி முதல்வர் டி.எஸ்.வீரமணி, நிர்வாக அலுவலர் ஆர்.குமார் ஆகியோர் முன்னிலை வகித்தனர். விழா ஏற்பாடுகளை உடற்கல்வி இயக்குநர்கள் கே.செல்வம், ஜெ.மோகன் ஆகியோர் செய்திருந்தனர். பேராசிரியர் பா.சந்திரசேகரன் நன்றி கூறினார்.
செஞ்சியில்: அனந்தபுரம் அரசுப் பள்ளியில் ஆசிரியர் தின விழா கொண்டாடப்பட்டது.
அனந்தபுரம் ரோட்டரி சமுதாயக் குழுமம் சார்பில் அனந்தபுரம் அரசு மேல்நிலைப்பள்ளியில் நடைபெற்ற விழாவுக்கு ரோட்டரி தலைவர் முரளிதரன் தலைமை வகித்தார். தலைமை ஆசிரியர் ஆனந்தன் முன்னிலை வகித்தார். ஆசிரியர் பாலு வரவேற்றார்.
முன்னாள் ரோட்டரித் தலைவர் அ.ஜேசுஜூலியஸ்ராஜா அனைத்து ஆசிரியர்களுக்கும் பரிசுகளை வழங்கி பாராட்டினார்.
மாணவ, மாணவிகளின் பேச்சுப்போட்டி நடைபெற்றது. நிகழ்ச்சியில் ரோட்டரி மதிவாணன், ரமேஷ், நாராயணன், பேரூராட்சி முன்னாள் தலைவர் கண்ணன், சம்பத், முன்னாள் கவுன்சிலர் கார்த்தி
கேயன், இளங்கோ உள்ளிட்டோர் கலந்து கொண்டனர்.
கள்ளக்குறிச்சியில்: இந்திலி ஆர்.கே.சண்முகம் கல்வியியல் கல்லூரியில் ஆசிரியர் தின விழா புதன்கிழமை நடைபெற்றது. 
கல்லூரியின் தலைவர் க.மகுடமுடி தலைமை வகித்தார். தாளாளர் ஜி.எஸ்.குமார், செயலாளர் என்.கோவிந்தராஜூ, கல்வியியல் கல்லூரியின் முதல்வர் ஜி.ஜெயசீலன், நிர்வாக அலுவலர் கு.மோகனசுந்தர் உள்ளிட்டோர் முன்னிலை வகித்தனர். மாணவ ஆசிரியர் எஸ்.கார்த்திக் வரவேற்றார். 
மாணவ ஆசிரியை வி.காவியா, எம்.ஆயிஷா பேராசிரியர்களுக்கு ஆசிரியர்தின வாழ்த்துகளை தெரிவித்தனர். துணை முதல்வர் அ.சண்முகம் நிகழ்ச்சிகளை தொகுத்து வழங்கினார்.