முதியவரை ஏமாற்றி பணம் திருடிய வெளி மாநில இளைஞா் கைது

விழுப்புரம் மாவட்டம், திண்டிவனத்தில், ஏடிஎம்-க்கு பணம் எடுக்க வந்த முதியவரை ஏமாற்றி, அவரின் வங்கிக் கணக்கிலிருந்து பணம் திருடிய வெளி மாநில இளைஞரை போலீஸாா் வியாழக்கிழமை கைது செய்தனா். மேலும், அவரிடமிருந்த பணம் மற்றும் 100-க்கும் மேற்பட்ட ஏடிஎம் காா்டுகளையும் போலீஸாா் பறிமுதல் செய்தனா்.

திண்டிவனம், கோட்டைமேடு, செந்தமிழ் நகரைச் சோ்ந்தவா் ரா.சீனிவாசன் (90). முதியவரான இவா் ஆக.2-ஆம் தேதி திண்டிவனம் நேரு வீதியில் உள்ள தேசிய மயமாக்கப்பட்ட வங்கியின் ஏடிஎம் மையத்துக்கு பணம் எடுக்கச் சென்றாா்.

அப்போது, அங்கு வந்த இளைஞா் ஒருவா் பணம் எடுப்பதற்கு உதவுவதாக சீனிவாசனிடம் தெரிவித்துள்ளாா். இதை உண்மையென நம்பிய சீனிவாசன் ஏடிஎம் காா்டு கொடுத்து, ரகசிய எண்ணையும் தெரிவித்துள்ளாா்.

இந்நிலையில், அந்த நபா் பணத்தை எடுத்துத் தராமல் வேறொரு வங்கியின் ஏடிஎம் காா்டை சீனிவாசனிடம் கொடுத்து விட்டு அங்கிருந்து தப்பி விட்டாா் இதையடுத்து சீனிவாசனின் வங்கிக் கணக்கிலிருந்து ரூ. 19,500 பணம் எடுக்கப்பட்டது தெரியவந்தது.

இதுகுறித்த புகாரின் பேரில் திண்டிவனம் போலீஸாா் வழக்குப் பதிவு செய்து, விசாரணை நடத்தினா். இதில், ஆந்திரம் மாநிலம், கடப்பா மாவட்டம், நரசாபுரம் கிராமத்தைச் சோ்ந்த கா.சீனிவாசலு (36) என்பவா் முதியவரை ஏமாற்றி, அவரது வங்கிக் கணக்கிலிருந்து பணம் திருடியது தெரியவந்தது.

இதையடுத்து, சீனிவாசலுவை திண்டிவனம் போலீஸாா் வியாழக்கிழமை கைது செய்து, சிறையிலடைத்தனா். மேலும், அவா் வசமிருந்த ரூ.19,500 ரொக்கம் மற்றும் 100-க்கும் மேற்பட்டபோலி ஏடிஎம் காா்டுகளையும் பறிமுதல் செய்தனா்.