செவிலியரிடம் 18 பவுன் நகை பறிப்பு

கள்ளக்குறிச்சி மாவட்டம், உளுந்தூா்பேட்டை சுங்கச்சாவடி அருகே செவிலியரிடம் 18 பவுன் சங்கிலியைப் பறித்துச் சென்ற நபரை போலீஸாா் தேடி வருகின்றனா்.

உளுந்தூா்பேட்டை தந்தை பெரியாா் நகரைச் சோ்ந்த ஜனாா்த்தன் மனைவி சாந்தி (59). இவா் செங்குறிச்சியிலுள்ள ஆரம்ப சுகாதார நிலையத்தில் செவிலியராகப் பணியாற்றி வருகிறாா். திங்கள்கிழமை மாலை பணி முடிந்த பின்னா், சாந்தி வீட்டுக்கு நடந்து சென்று கொண்டிருந்தாா்.

உளுந்தூா்பேட்டை சுங்கச்சாவடி பகுதியில் சாந்தி நடந்து சென்ற போது, பின்தொடா்ந்து வந்த நபா், அவா் அணிந்திருந்த 18 பவுன் சங்கிலிகளைப் பறித்துக் கொண்டு தப்பி முயன்றாா். சாந்தி இறுக பற்றிக் கொண்டு திருடன் என்று கூச்சலிட்டாா். அவரது சப்தம் கேட்டு அப்பகுதியிலிருந்தவா்கள் அங்கு வருவதற்குள் நகையைப் பறித்த நபா், சற்றுத் தொலைவில் நிறுத்தி வைத்திருந்த பைக்கில் ஏறி தப்பிச் சென்றுவிட்டாா்.

இதுகுறித்து தகவலறிந்த உளுந்தூா்பேட்டை டி.எஸ்.பி. அசோகன் நிகழ்விடம் விரைந்து சென்று, செவிலியா் சாந்தியிடம் விசாரணை நடத்தினாா்.

இதுகுறித்து உளுந்தூா்பேட்டை போலீஸாா் வழக்குப் பதிந்து, அப்பகுதியிலுள்ள கண்காணிப்பு கேமராவில் பதிவான காட்சிகளைக் கொண்டு, நகை பறிப்பில் ஈடுபட்ட நபரைத் தேடி வருகின்றனா்.

பூட்டிய வீட்டில் 3 பவுன் நகைகள் திருட்டு: வானூா் வட்டம், எறையானூா், வி.கே.எஸ்.நகரைச் சோ்ந்தவா் தே.அரவிந்தன் (28). இவா், ஞாயிற்றுக்கிழமை தனது வீட்டைப் பூட்டி விட்டு குடும்பத்துடன் புதுச்சேரிக்கு சென்றுவிட்டாா். தொடா்ந்து,திங்கள்கிழமை காலை வீட்டுக்கு திரும்பி வந்து பாா்த்தபோது, முன்பக்க மரக்கதவு உடைக்கப்பட்டிருந்தது கண்டு அதிா்ச்சிக்குள்ளானாா். தொடா்ந்து, வீட்டின் உள்ளே சென்று பாா்த்தபோது, மர பீரோ உடைக்கப்பட்டிருந்த நிலையில், அதில் வைக்கப்பட்டிருந்த ஒரு பவுன் சங்கிலி, அரை பவுன் மோதிரம், அரை பவுன் கைசங்கிலி உள்பட 3 பவுன் நகைகள், 500 கிராம் வெள்ளிக் கொலுசு திருடப்பட்டிருந்தது தெரியவந்தது.

இதுகுறித்த புகாரின் பேரில் கிளியனூா் போலீஸாா் வழக்குப் பதிந்து, விசாரிக்கின்றனா்.