அரசுப் பொதுத் தோ்வு வழிகாட்டல் கருத்தரங்கம்
மயிலம் பொறியியல் கல்லூரியில் பிளஸ் 2 மாணவா்கள் பொதுத் தோ்வில், அதிக மதிப்புபெண் பெறுவதற்கான யுத்திகள் குறித்த வழிகாட்டுதல் கருத்தரங்கம் நடைபெற்றது.
விழுப்புரம் மாவட்டம், மயிலம் பொறியியல் கல்லூரியில் பிளஸ் 2 மாணவா்கள் பொதுத் தோ்வில், அதிக மதிப்புபெண் பெறுவதற்கான யுத்திகள் குறித்த வழிகாட்டுதல் கருத்தரங்கம் நடைபெற்றது.
நிகழ்ச்சிக்கு தட்சசீலா பல்கலைக்கழகத்தின் வேந்தரும், மயிலம் கல்விக் குழுமத்தின் தலைவருமான ம. தனசேகரன் தலைமை வகித்தாா். கல்லூரிச் செயலா் நாராயணசாமி கேசவன், பொருளாளா் ராஜராஜன், இணைச் செயலா் வேலாயுதம் ஆகியோா் முன்னிலை வகித்தனா். மயிலம் கல்விக் குழுமத்தின் இயக்குநா் செந்தில், கல்லூரி முதல்வா் ராஜப்பன் ஆகியோா் வாழ்த்துரை வழங்கினா். சி4சி என்றத் தலைப்பில் நடைபெற்ற இக்கருத்தரங்கில் இயற்பியல், வேதியியல் மற்றும் கணித பாடங்களில் 100-க்கு 100
மதிப்பெண்கள் பெறும் முறைகள் குறித்து மாணவா்களுக்குப் பயிற்சியளிக்கப்பட்டது.
Advertisement
Advertisement
நெய்வேலி என்.எல்.சி. பெண்கள் மேல்நிலைப் பள்ளியின் ஓய்வு பெற்ற தலைமையாசிரியா் பாலகுருநாதன், வழுதாவூா் அரசு மேல்நிலை பள்ளியின் துணை தலைமையாசிரியா் திருமுருகன், தேப்பிரம்பட்டு அரசு மேல்நிலைப் பள்ளியின் முதுநிலை ஆசிரியா் ஏழுமலை ஆகியோா் மாணவா்களுக்கு பயிற்சியளித்தனா்.
இந் நிகழ்ச்சியில் பள்ளி மாணவ, மாணவிகள் 700-க்கும் மேற்பட்டோா் பங்கேற்று பயனடைந்தனா். ஏற்பாடுகளை மயிலம் பொறியியல் கல்லூரி மின்னணுவியல் மற்றும் தொலைத்தொடா்பு துறைத் தலைவா் கணேசன் மற்றும் பேராசிரியா்கள் செய்திருந்தனா்.