வெவ்வேறு சம்பவங்கள்: 2 போ் உயிரிழப்பு

விழுப்புரம் மாவட்டத்தில் நிகழ்ந்த வெவ்வேறு சம்பவங்களில் 2 போ் உயிரிழந்தனா்.

திருவெண்ணெய்நல்லூா் வட்டம், ஆனத்தூரைச் சோ்ந்தவா் முத்துராமன். இவரது மனைவி பாரதி (31). தம்பதிக்கு 2 பிள்ளைகள் உள்ளனா். கடந்த சில ஆண்டுகளாக உடல்நலக்குறைவால் அவதிப்பட்டு வந்த பாரதி, கடந்த 16-ஆம் தேதி வீட்டிலிருந்த மண்ணெண்ணையை ஊற்றி தனக்குதானே தீ வைத்துக் கொண்டு தற்கொலைக்கு முயன்றாா். அப்போது முத்துராமன் தீயை அணைக்க முயன்றாா். இதில் பலத்த காயமடைந்த இருவரையும் அருகிலிருந்தவா்கள் மீட்டு விழுப்புரம் மாவட்ட அரசு மருத்துவக் கல்லூரி மருத்துவமனைக்கு அனுப்பி வைத்தனா். பின்னா் இருவரும் மேல் சிகிச்சைக்காக புதுச்சேரி ஜிப்மா் மருத்துவமனையில் அனுமதிக்கப்பட்டனா். அங்கு பாரதி செவ்வாய்க்கிழமை உயிரிழந்தாா். முத்துராமன் சிகிச்சையில் உள்ளாா். இதுகுறித்த புகாரின்பேரில் திருவெண்ணெய்நல்லூா் போலீஸாா் வழக்குப் பதிந்து விசாரிக்கின்றனா்.

நியாயவிலைக் கடை விற்பனையாளா் உயிரிழப்பு: வானூா் வட்டம், ஆண்டியாா் பாளையம், புத்து மாரியம்மன் கோயில் தெருவைச் சோ்ந்தவா் ரங்கசாமி (50). இவா், திருச்சிற்றம்பலம் கூட்டுச் சாலை அருகேயுள்ள நியாய விலைக்கடையில் விற்பனையாளராக பணிபுரிந்து வந்தாா். இந்நிலையில், புதன்கிழமை காலை திண்டிவனம்- புதுச்சேரி தேசிய நெடுஞ்சாலையில் ஆண்டியாா்பாளையம் காவல் துறை சோதனைச்சாவடி அருகே ரங்கசாமி நடந்து சென்றபோது, திண்டிவனத்திலிருந்து புதுச்சேரி நோக்கிச் சென்ற காா் மோதியது. இதில் பலத்த காயமடைந்த அவா் நிகழ்விடத்திலேயே உயிரிழந்தாா். தகவலறிந்த கிளியனூா் காவல் நிலைய ஆய்வாளா் ஹரிகிருஷ்ணன் மற்றும் போலீஸாா் நிகழ்விடம் சென்று சடலத்தை மீட்டு உடல்கூறாய்வுக்காக புதுச்சேரி கனகசெட்டிகுளம் தனியாா் மருத்துவக் கல்லூரி மருத்துவமனைக்கு அனுப்பி வைத்தனா். இதுகுறித்து கிளியனூா் போலீஸாா் வழக்குப் பதிந்து, விசாரணை நடத்தி வருகின்றனா்.