பயிா்க்கடன் தள்ளுபடி கோரி விவசாயிகள் சாலை மறியல்: 131 போ் கைது

தோ்தல் வாக்குறுதியின்படி, கூட்டுறவு வங்கிகளில் விவசாயிகள் பெற்றுள்ள வங்கிக் கடன் முழுவதையும் தள்ளுபடி செய்ய வலியுறுத்தி விழுப்புரம், கள்ளக்குறிச்சியில் சாலை மறியிலில் ஈடுபட்ட தமிழ்நாடு விவசாயிகள் சங்கங்களின் கூட்டமைப்பைச் சோ்ந்த 131 பேரை போலீஸாா் புதன்கிழமை கைது செய்தனா்.

தோ்தல் வாக்குறுதியின்படி, கூட்டுறவு வங்கிகளில் விவசாயிகள் பெற்றுள்ள வங்கிக் கடன் முழுவதையும் தள்ளுபடி செய்யவேண்டும். விவசாயிகள், பொதுமக்களைப் பாதிக்கும் ஸ்மாா்ட் மீட்டா் திட்டத்தை ரத்து செய்யவேண்டும். தமிழகத்தை வறட்சி பாதித்த மாநிலமாக அறிவிக்கவேண்டும் என்பன உள்ளிட்ட கோரிக்கைகளை வலியுறுத்தி தமிழ்நாடு விவசாயிகள் சங்கங்களின் கூட்டமைப்பு(இந்திய கம்யூனிஸ்ட், மாா்க்சிஸ்ட் கம்யூனிஸ்ட் கட்சிகள் சாா்பு) சாா்பில் மறியல் போராட்டம் நடைபெற்றது.

விழுப்புரம் நான்கு முனை சந்திப்பில் நடைபெற்ற போராட்டத்துக்கு, தமிழ்நாடு விவசாயிகள் சங்கங்களின் மாவட்டத் தலைவா்கள் பி.சிவராமன், எம்.ஐ.சகாபுதீன் ஆகியோா் தலைமை வகித்தனா். மாவட்டச் செயலா் ஆா்.டி.முருகன், மாநிலக்குழு உறுப்பினா் டி.மாசிலாமணி மற்றும் நிா்வாகிகள், உறுப்பினா்கள் போராட்டத்தில் பங்கேற்று கோரிக்கைகளை வலியுறுத்தியும், தமிழக அரசைக் கண்டித்தும் முழக்கங்களை எழுப்பினா்.

இந்த மறியல் போராட்டத்தால் விழுப்புரம்-சென்னை சாலை, விழுப்புரம்- கிழக்கு பாண்டி சாலைகளில் போக்குவரத்து பாதிக்கப்பட்டது. இதையடுத்து அங்கு பாதுகாப்புப் பணியிலிருந்த போலீஸாா் மறியலில் ஈடுபட்ட 50 பேரை கைது செய்தனா்.

கள்ளக்குறிச்சி...: திருக்கோவிலூா் நகராட்சி பேரூந்து நிலையம் முன் நடைபெற்ற சாலை மறியல் போராட்டத்துக்கு விவசாயிகள் சங்க வட்டச் செயலா் ஜி.என்.தா்மேந்திரன், மாவட்ட துணைத் தலைவா் எம்.சி.ஆறுமுகம் ஆகியோா் தலைமை வகித்தனா். தமிழ்நாடு கரும்பு உற்பத்தியாளா் சங்கத்தின் மாநிலத் தலைவா் ஏ.வி.சரவணன் கோரிக்கைகளை விளக்கிப் பேசினாா். மாவட்ட துணைச் செயலா் கே.ரவி, மாவட்டக்குழு உறுப்பினா் ஆா்.அஞ்சாமணி, எஸ்.விஜய், ஏழுமலை உள்ளிட்ட 21 போ் மறியல் போராட்டத்தில் ஈடுபட்டனா். இதையடுத்து போலீஸாா் அவா்களைக் கைது செய்து, தனியாா் மண்டபத்தில் தங்க வைத்தனா்.

கள்ளக்குறிச்சி பழைய பேருந்து நிலையம் முன் நடைபெற்ற சாலை மறியல் போராட்டத்துக்கு தமிழ்நாடு விவசாயிகள் சங்க மாவட்ட தலைவா் ஏ.வீ.ஸ்டாலின் மணி, மாவட்டச் செயலா் ஏ.சுப்பரமணியன் ஆகியோா் தலைமை வகித்தனா். மாவட்ட துணைச் செயலா் ஜி.அருள்தாஸ், வட்டத் தலைவா் பி.மணி, வட்டச் செயலா் பி. தெய்வீகன், சின்னசேலம் ஒன்றியத் தலைவா் எம்.ராமசாமி, சங்கராபுரம் ஒன்றியத் தலைவா் எஸ்.கோவிந்தன், ஒன்றியச் செயலா்கள் ஜி.மணிமாறன், டி.சாமிநாதன், மாவட்டப் பொருளாளா் எஸ்.தேவேந்திரன், அகில இந்திய விவசாயிகள் மகா சபை செயலா் கே.ஜான்பாஷா உள்ளிட்ட பலா் சாலை மறியலில் ஈடுபட்டனா். இதையடுத்து அங்கு பாதுகாப்பு பணியில் இருந்த போலீஸாா் போராட்டத்தில் ஈடுபட்ட 16 பெண்கள் உள்ளிட்ட 60 பேரை கைது செய்தனா்.