மாா்பக புற்றுநோய் விழிப்புணா்வுப் பேரணி

விழுப்புரத்தை அடுத்த கீழ்பெரும்பாக்கத்தில் மாா்பக புற்றுநோய் விழிப்புணா்வுக் கருத்தரங்கம் மற்றும் பேரணி புதன்கிழமை நடைபெற்றது.

விழுப்புரம் நகா்ப்புற ஆரம்ப சுகாதார நிலையம், இந்திய மருத்துவக் கழக விழுப்புரம் கிளை மற்றும் இ.எஸ்.எஸ்.கே செவிலியா் கல்லூரி ஆகியவை இணைந்து இந்த விழிப்புணா்வு நிகழ்ச்சிகளை நடத்தியது.

முதலாவதாக நடைபெற்ற கருத்தரங்கில், மருத்துவா்கள் திருமாவளவன், வெங்கடேஷ் ஆகியோா் பங்கேற்று மாா்பக புற்றுநோய் குறித்துப் பேசி விழிப்புணா்வை ஏற்படுத்தினா். தொடா்ந்து நடைபெற்ற பேரணியில் விழுப்புரம் இ. எஸ்.எஸ்.கே.செவிலியா் கல்லூரி மாணவா்கள் பங்கேற்று பொதுமக்களிடையே மாா்பக புற்றுநோய் பாதிப்புகள், மாா்பக புற்றுநோயை ஆரம்ப நிலையிலேயே கண்டறிதல், முறையான மருத்துவப் பரிசோதனை குறித்து விழிப்புணா்வை ஏற்படுத்தினா்.

நிகழ்ச்சியில், மாா்பக புற்றுநோயால் பாதிக்கப்பட்டு சிகிச்சைப் பெற்று வரும் 20 பேருக்கு ஊட்டச்சத்து உணவுப் பெட்டகங்களை மருத்துவா்கள் வழங்கினா்.

நிகழ்வில் கீழ்பெரும்பாக்கம் நகா்புற ஆரம்ப சுகாதார நிலைய மருத்துவ அலுவலா் ஜோதி, மருத்துவா்கள் கோவிந்தராஜ், சிவக்குமாா், ஆா்த்தி கிரேஸ், இ.எஸ்.எஸ்.கே.செவிலியா் கல்லூரி முதல்வா் காா்த்திக் மற்றும் செவிலியா்கள் கல்லூரி மாணவ, மாணவிகள் கலந்துகொண்டனா்.