எனது மகனுக்கு கடந்த ஐந்தாண்டுகளுக்கு முன்பு விவாகரத்தாகிவிட்டது. மறுமணம் நடைபெற வாய்ப்புண்டா? தொழில் முன்னேற்றம் ஏற்படுமா? - நஞ்சுண்டன், கோயம்புத்தூர்

உங்கள் மகனுக்கு கும்ப லக்னம், விருச்சிக ராசி. குடும்ப ஸ்தானத்தில் குருபகவான் ஆட்சி பெற்று அமர்ந்து லக்னாதிபதியையும் பூர்வபுண்ணிய புத்திர ஸ்தானாதிபதியையும் பார்வை செய்கிறார். தற்சமயம் ஏழரை நாட்டு சனியுடன் சந்திரபகவானின் தசையும் நடக்கிறது. அடுத்த ஆண்டு இறுதிவரை அனுகூலமற்ற புக்திகள் நடக்கிறபடியால் இன்னும் இரண்டாண்டுகளுக்குப்பிறகு சமதோஷமுள்ள பெண் அமைந்து மறுமணம் கைகூடும். பிரதி வெள்ளிக்கிழமைகளில் பெருமாளையும் தாயாரையும் வழிபட்டு வரவும். பொருத்தம் பார்க்கும் பொழுது குடும்ப ஸ்தானத்திற்கும் களத்திர ஸ்தானத்திற்கும் ஏற்ற சமதோஷம் பார்த்து சேர்க்க வேண்டியது அவசியம். மற்றபடி நட்சத்திரப் பொருத்தத்தை மட்டுமே பார்த்து திருமணம் செய்வதை ஏற்றுக் கொள்ள முடியாது.