விஜய் டிவி தொடர்களில் நடித்து ரசிகர்களுக்கு அறிமுகமானவர் ஷிவானி. இன்ஸ்டாகிராம் பக்கத்தில் இவரது பதிவுகள் ரசிகர்களின் கவனத்தை ஈர்த்தன. இந்த நிலையில் பிக்பாஸ் நிகழ்ச்சியில் கலந்துகொண்டு பிரபலமானார். 

தற்போது லோகேஷ் கனகராஜ் இயக்கத்தில் கமல்ஹாசன் நடிக்கும் விக்ரம் படத்தில் ஷிவானி நடிக்கிறார். இந்தப் படத்தில் விஜய் சேதுபதிக்கு ஜோடியாக அவர் நடிப்பதாக செய்திகள் வெளியானது. 

இந்த நிலையில் ஷிவானி தனது இன்ஸ்டாகிராம் பக்கத்தில் பிரபல இயக்குநர் பொன் ராமுடன் இருக்கும் புகைப்படத்தை பகிர்ந்து, இயக்குநர் பொன் ராமுடன் இணைவதில் மகிழ்ச்சி என்று தெரிவித்துள்ளார். புகைப்படத்தில் காவலர் உடையில் ஷிவானி இருக்கிறார். 

இதையும் படிக்க | 'பிகில்' நடிகை ரகசிய திருமணம் : மாப்பிள்ளை இவரா?

பொன்ராம் தற்போது விஜய் சேதுபதி நடிக்கும் படத்தை இயக்கி வருகிறார். இந்தப் படத்தில் காவல்துறை அதிகாரியாக விஜய் சேதுபதி நடிக்கிறார். இந்தப் படத்தில் தான் ஷிவானி நடிப்பதாக கூறப்படுகிறது. இந்தப் படத்தை சன் பிக்சர்ஸ் நிறுவனம் தயாரிக்கிறது. இந்தப் படத்தில் விஜய் சேதுபதிக்கு ஜோடியாக அனு கீர்த்திவாஸ் நடிக்கிறார்.