விக்ரம் டிரைலர் குறித்து ரன்வீர் சிங் சொன்ன வார்த்தை...நன்றி தெரிவித்த லோகேஷ் கனகராஜ்

விக்ரம் படத்தின் டிரைலர் குறித்து ரன்வீர் சிங் பகிர்ந்திருந்த கருத்திற்கு நன்றி தெரிவித்துள்ளார் இயக்குநர் லோகேஷ் கனகராஜ்.

நடிகர் கமல்ஹாசன் நடிப்பில் லோகேஷ் கனகராஜ் இயக்கத்தில் உருவாகியுள்ள ’விக்ரம்’ திரைப்படத்தின் டிரைலர் ரசிகர்களைக் கவர்ந்துள்ளதால் அப்படத்தின் மீதான எதிர்பார்ப்புகளும் அதிகரித்து வருகின்றன.

இந்நிலையில், விக்ரம் படத்தின் ஹிந்தி டிரைலர் இன்று வெளியானதும் அதனைப் பகிர்ந்த பாலிவுட் நடிகர் ரன்வீர் சிங் “என் திறமையான நண்பர் லோகேஷ் கனகராஜ் மற்றும் இந்திய சினிமாவின் லெஜெண்ட் கமல்ஹாசனுக்கு வாழ்த்துக்கள். நெருப்பாக இருக்கிறது இந்த டிரைலர்” எனத் தன் டிவிட்டர் பக்கத்தில் குறிப்பிட்டார். ரன்வீரின் பதிவைப் பகிந்த லோகேஷ் கனகராஜ் தன் நன்றியைத் தெரிவித்தார்.

விக்ரம் படத்தில் கமலஹாசனுடன் விஜய் சேதுபதி, ஃபஹத் ஃபாசில் உள்ளிட்டோர் நடித்துள்ளனர். இத்திரைப்படம் ஜுன்-3 ஆம் தேதி அன்று வெளியாகும் என அறிவிக்கப்பட்டுள்ளது.