நடிகர் விஜய் நடிப்பில் அட்லி இயக்கிய தெறி படம் 2016இல் வெளியாகி நல்ல வரவேற்பினை பெற்றது. சமந்தா, எமி ஜாக்ஸன், இயக்குநர் மகேந்திரன், ராதிகா உள்ளிட்ட பலர் நடித்திருந்தனர். சுமார் 68 கோடியில் உருவான இந்தப் படம் ரூ.150 கோடிக்கும் அதிகமாக வசூலித்ததாக தகவல்கள் தெரிவிக்கின்றன. 

ஷாருக்கானை வைத்தி ஹிந்தியில் அட்லி இயக்கியுள்ள ஜவான் படம் முடிவடைந்துள்ள நிலையில் வெளியீட்டிற்கான வேலைகள் விறுவிறுப்பாக நடைபெற்று வருகிறது. 

இதையும் படிக்க: சர்வதேச தரத்தில் ஜவான்: அட்லியை பாராட்டிய விக்னேஷ் சிவன்! 

தெறி படத்தின் ஹிந்தி ரீமேக்கில் விஜய் கதாபாத்திரத்தில் நடிகர் வருண் தவான் நடிக்க உள்ளார். இந்தப் படத்தினை அட்லி இயக்கவில்லை. நடிகர் ஜீவா நடித்த ‘கீ’ படத்தினை இயக்கிய காலீஸ் இயக்க உள்ளதாகவும் அடுத்த வாரம் படத்தின் படப்பிடிப்பு உள்ளதாகவும் தகவல் வெளியாகியுள்ளது. 

இதையும் படிக்க: டாக்டர் படம் மாதிரி எனது நடிப்பு புதியதாக இருக்கும்: மாவீரன் குறித்து சிவகார்த்திகேயன்! 

முராட் கேதனி உடன் அட்லி இணைந்து தயாரிக்க உள்ளார். ஏற்கனவே தமிழில் சங்கிலி புங்கிலி கதவ தொற, அந்தகாரம் ஆகிய படங்களை தயாரித்துள்ளார். 

வருண் தவானின் 18வது படம் என்பதால் தற்காலிகமாக இந்தப் படத்திற்கு ‘விடி18’ எனப் பெயரிடப்பட்டுள்ளது.