அர்ஜுன் தாஸின் புதிய படத்துக்கு பூஜை!

நடிகர் அர்ஜுன் தாஸ் நடிப்பில் உருவாகவுள்ள புதிய திரைப்படத்தின் படப்பிடிப்பு பூஜையுடன் இன்று தொடங்கியுள்ளது.

வசந்த பாலன் இயக்கத்தில் அர்ஜுன் தாஸ் நடித்த அநீதி திரைப்படம் விமர்சன ரீதியாக நல்ல வரவேற்பை பெற்றது. இதனைத் தொடர்ந்து, 'சில நேரங்களில் சில மனிதர்கள்' படத்தின் இயக்குநர் விஷால் வெங்கட் இயக்கும் புதிய படத்தில் அர்ஜுன் தாஸ் இணைந்துள்ளார்.

இதையும் படிக்க | ரூ.500 கோடியை கடந்த ஜெயிலர் வசூல்!

ஜெம்ப்ரியோ பிக்ஸர்ஸ் நிறுவனம் தயாரிக்கும் இந்த படத்துக்கான பூஜை இன்று நடைபெற்றது.

இந்த படத்தில் நாயகியாக ஷிவாத்மிகா ராஜசேகரும், முக்கிய கதாபாத்திரங்களில் நாசர், காளி வெங்கட் ஆகியோர் நடிக்கின்றனர். டி. இமான் இசையமைக்கிறார்.

ஒளிப்பதிவு - பி.எம். ராஜ்குமார்
படத்தொகுப்பு - ஜி.கே. பிரசன்னா