கேப்டன் மில்லர்: முக்கிய கதாபாத்திரத்தில் அதிதி பாலன்! 

அருண் மாதேஸ்வரன் இயக்கும் கேப்டன் மில்லர் படத்தில் தனுஷ் நடித்துள்ளார். சத்ய ஜோதி ஃபிலிம்ஸ் தயாரிக்கும் இந்தப் படத்துக்கு ஜி.வி.பிரகாஷ் குமார் இசையமைக்கிறார்.  

கதாநாயகியாக பிரியங்கா மோகன் நடிக்க, முக்கிய வேடத்தில் சந்தீப் கிஷன் மற்றும் கன்னட சூப்பர் ஸ்டார் சிவராஜ் குமார் ஆகியோர் நடித்துள்ளனர்.

இதையும் படிக்க | முதல் 10 நிமிடங்களை தவறவிடாதீர்கள்: ரசிகர்களுக்கு வேண்டுகோள் விடுத்த லோகேஷ் கனகராஜ்! 

நடிகர் தனுஷின் 40-வது பிறந்தநாளை முன்னிட்டு  கேப்டன் மில்லர் படத்தின் டீசரை படக்குழு சமீபத்தில் வெளியிட்டிருந்தனர். அதிரடி காட்சிகளால் நிறைந்துள்ள டீசர் ரசிகர்களிடையே வரவேற்பைப் பெற்ற நிலையில், யூடியூப்பில் 3 கோடி பார்வைகளைக் கடந்துள்ளது. இப்படம் வருகிற டிச.15 ஆம் தேதி வெளியாகும் என்றும் அறிவிக்கப்படுள்ளது.

இதையும் படிக்க | பிக் பாஸ்: கல்வி சர்ச்சை பற்றி பவா செல்லதுரை விளக்கம்!

அருவி படத்தில் நடித்து கவனம் பெற்ற நாயகி அதிதி பாலன். மலையாளத்தில் நிவின் பாலியுடன் நடித்தார். தங்கர் பச்சான் இயக்கத்தில் சமீபத்தில் இவர் நடித்த ‘கருமேகங்கள் கலைகின்றன’ படம் வெளியானது.

இதையும் படிக்க | வைரஸ்களை எதிர்த்து போராடும் பூஸ்டர்: சிகிச்சை குறித்து சமந்தா பதிவு!

கேப்டன் மில்லரில் முக்கிய கதாபாத்திரத்தில் அதிதி பாலன் நடித்துள்ளதாக தகவல் வெளியாகியுள்ளது. சுதந்திரத்துக்கு முந்தைய காலகட்டத்தில் இருக்கு காட்சிகளில் முக்கிய கதாபாத்திரத்தில் அதிதி பாலன் நடித்துள்ளதாக தகவல்கள் தெரிவிக்கின்றன.