இயக்குநர் சுதா கொங்காரா இயக்கத்தில் லோகேஷ் கனகராஜ் நடிக்க உள்ளதாகத் தகவல்.

இறுதிச்சுற்று படத்தை இயக்கிய சுதா கொங்கராவின் சூரரைப் போற்று படத்தில் கதாநாயகனாக நடித்த சூர்யாவுக்கு மிகப் பெரிய வரவேற்பு கிடைத்தது. அடுத்ததாக இந்தக் கூட்டணியில் உருவாகும் புதிய படத்துக்கு புறநானூறு எனப் பெயரிடப்பட்டது.

சில காரணங்களால் இந்தப் படத்தின் படப்பிடிப்பு ஒத்திவைக்கப்பட்டுள்ளது. இப்படத்துக்கு இசை ஜி.வி. பிரகாஷ் இசையமைக்க உள்ளார். இது ஜி.வி.யின் 100வது படம் என்றும் கூறி வந்தார்கள்.

சூர்யா கங்குவா படத்தில் நடித்துமுடித்து கார்த்திக் சுப்புராஜ் படத்தில் நடித்து வருகிறார். சுதா கொங்கரா ஹிந்தியில் சூரரைப் போற்று படத்தினை இயக்கி முடித்தார். அந்தப் படம் சமீபத்தில் வெளியாகி நல்ல வரவேற்பையும் பெற்றது.

இதற்கிடையே, புறநானூறு திரைப்படம் சூரரைப்போற்று படத்தைவிட பல மடங்கு சிறந்ததாக இருக்கும் என சுதா கொங்காரா தெரிவித்திருந்தார்.

இந்த நிலையில், புறநானூறு படத்தில் இயக்குநர் லோகேஷ் கனகராஜ் நடிக்க உள்ளதாகப் புதிய தகவல் வெளியாகியுள்ளது. தற்போது, லோகேஷ் கூலி திரைப்படத்தை இயக்கி வருகிறார். இது முடிந்ததும், சுதா கொங்காரா படத்தில் இணைவார் என எதிர்பார்க்கப்படுகிறது.