‘கூலி’ படத்தில் தேசிய விருது பெற்ற ஒளிப்பதிவாளர்!

ஜெயிலர் பட வெற்றியைத் தொடர்ந்து நடிகர் ரஜினிகாந்த்தின் 171வது படத்திலும் சன் பிக்சர்ஸ் மீண்டும் இணைகிறது. இந்தப் படத்தை லோகேஷ் கனகராஜ் இயக்க அனிருத் இசையமைக்கிறார். இதற்கான அதிகாரபூர்வ அறிவிப்பை சன் பிக்சர்ஸ் சமீபத்தில் வெளியிட்டிருந்தது. 

இயக்குநர் லோகேஷ் நடிகர் விஜய்யை வைத்து இயக்கிய லியோ திரைப்படம் கலவையான விமர்சனங்களைப் பெற்றாலும் வசூல் ரீதியான வெற்றிப்படமானது.

தற்போது, லோகேஷ் கனகராஜ் ‘தலைவர் 171’ (கூலி) படத்திற்கான முன் தயாரிப்பு வேலைகளில் ஈடுபட்டு வருகிறார். 

சமீபத்தில் இயக்குநர் லோகேஷ் கனகராஜ் டெஸ்ட் லுக்கினை பகிர்ந்திருந்தார். இந்நிலையில் படத்திற்கான ஒளிப்பதிவாளரை அறிமுகப்படுத்தியுள்ளார். மலையாளத்தில் தேசிய விருது (ஜல்லிக்கட்டு) பெற்ற ஒளிப்பதிவாளர் கிரிஸ் கங்காதரன் படத்தில் இணைந்துள்ளார்.

விஜய்யின் சர்கார், கமலின் விக்ரம் படத்துக்கும் இவர்தான் ஒளிப்பதிவாளராக பணியாற்றியது குறிப்பிடத்தக்கது.

இந்த (ஜூலை) மாதத்தில் சென்னை அல்லது ஹைதராபாத்தில் துவங்கும் எனத் தகவல் வெளியாகியுள்ளது. கிட்டத்தட்ட ரூ.200 கோடி பட்ஜெட்டில் உருவாக உள்ளதாகவும் தகவல் வெளியானது குறிப்பிடத்தக்கது.