பார்த்திபன் இயக்கியுள்ள டீன்ஸ் படத்தில் இடம்பெற்றுள்ள இக்கி பிக்கி என்கிற பாடல் யூ-டியூபில் இன்று வெளியாகியுள்ளது.

குழந்தைகளை மையமாக வைத்து உருவாகியுள்ள இந்த படத்திற்கு டி. இமான் இசையமைத்துள்ளார். இக்கி பிக்கி என்கிற பாடலை இயக்குநர் பார்த்திபனே எழுதியுள்ளார்.

பயோஸ்கோப் ட்ரீம்ஸ், அகிரா புரொடக்‌ஷன்ஸ் தயாரித்துள்ள இந்த படம் இந்தியன் -2 வெளியாகும் அதே நாளில் வெளியாகவுள்ளது.

சமீபத்தில் வெளியான படத்தின் டீசர் பரவலாக கவனம் பெற்றது. காவ்மிக் ஆரி ஒளிப்பதிவு செய்துள்ளார். ஜூலை 12-ம் தேதி படம் வெளியாகும் என படக்குழு அறிவித்துள்ளது.