சித்தார்த் - 40 நடிகர்கள் அறிவிப்பு!

நடிகர் சித்தார்த்தின் 40-வது படத்தின் அறிவிப்பு மற்றும் நடிகர்கள் பட்டியல் வெளியாகியுள்ளது.

நடிகர் சித்தார்த் சித்தா படத்தின் வெற்றிக்குப் பின், கமல்ஹாசனுடன் இந்தியன் - 2 படத்தில் முக்கிய கதாபாத்திரத்தில் நடித்துள்ளார்.

இப்படம், திரையரங்குகளில் வெளியாகி கலவையான விமர்சனங்களைப் பெற்றாலும் வசூலில் தாக்கம் ஏற்படுத்தி வருகிறது.

அடுத்ததாக, சித்தார்த் நடிப்பில் ‘மிஸ் யூ’ என்கிற படம் தயாராகி வருகிறது. இந்த நிலையில், சித்தார்த்தின் 40-வது படத்தை சாந்தி டாக்கீஸ் நிறுவனம் தயாரிக்கிறது. எட்டு தோட்டாக்கள், குருதி ஆட்டம் படங்களை இயக்கிய ஸ்ரீ கணேஷ் இப்படத்தை இயக்குகிறார்.

இதில் நடிகர்கள் சரத்குமார், தேவயாணி, மீத்தா ரகுநாத், கன்னட நடிகை சைத்ரா அச்சர் உள்ளிட்டோர் நடிக்கின்றனர்.