இயக்குநர் மகிழ் திருமேனி இயக்கத்தில் தமிழில் அருண் விஜய் உடன் தடையற தாக்க படத்தின் மூலம் அறிமுகமானவர் ரகுல் ப்ரீத் சிங். தொடர்ந்து தீரன் அதிகாரம் ஒன்று, தேவ், என்ஜிகே உள்ளிட்ட படங்களில் நடித்து கவனம் ஈர்த்தார்.

சிவகார்த்திகேயனுடன் அயலான் படத்தில் நடித்திருந்தார். ஷங்கர் இயக்கத்தில் கமல்ஹாசனுடன் இந்தியன் 2 திரைப்படத்திலும் நடித்துள்ளார்.

இந்தியன் - 2 திரைப்படம் சமீபத்தில் வெளியாகி கலவையான விமர்சனங்களைப் பெற்றன.

தமிழ் மட்டுமல்லாமல், ஹிந்தி, தெலுங்கு, கன்னட மொழி படங்களிலும் ரகுல் நடித்து வருகிறார். தற்போது ரகுல் பிரீத் சிங் இரண்டு ஹிந்தி படங்களில் நடித்து வருகிறார்.

சமீபத்தில் ஜாக்கி பக்னானி என்பவரை திருமணம் செய்தார். இந்தியன் 3 மற்றும் இரண்டு ஹிந்தி திரைப்படங்களில் நடித்து வருகிறார்.

உடலை கட்டுக்கோப்பாக வைத்திருக்கும் நடிகை ரகுல் பிரீத் சிங் தனது இன்ஸ்டா பக்கத்தில் உடற்பயிற்சி செய்யும் விடியோவை பதிவிட்டுள்ளார். அதில், “சமநிலையும் தொடர்ச்சியான உடற்பயிற்சியுமே திறவுகோள்” எனக் கூறியுள்ளார்.