நடிகர் அர்ஜுனின் போஸ்டரை விடாமுயற்சி படக்குழு பகிர்ந்துள்ளது.

நடிகர் அஜித் குமார், இயக்குநர் மகிழ் திருமேனி இயக்கத்தில் விடாமுயற்சி படத்தில் நடித்து வருகிறார்.

’மங்காத்தா’ படத்துக்குப் பின், நடிகர் அர்ஜுன் இத்திரைப்படத்தில் அஜித்குமாருடன் மீண்டும் இணைந்து நடிப்பதால் படத்தின் மீதான எதிர்பார்ப்பு அதிகரித்துள்ளது.

இந்தப் படத்தில் ஆரவ், ரெஜினா, சஞ்சய் தத், முக்கியக் கதாபாத்திரங்களில் நடிக்கிறார்கள். இதன் படப்பிடிப்பு இறுதிக் கட்டத்தினை எட்டியுள்ளது. தீபாவளிக்கு படத்தினை வெளியிட திட்டமிட்டுள்ளது படக்குழு.

இந்த நிலையில், விடாமுயற்சி படத்தின் அஜர்பைஜான் படப்பிடிப்பு நிறைவடைந்துள்ளதைத் தொடர்ந்து நடிகர் அர்ஜுனின் புதிய போஸ்டரை தயாரிப்பு நிறுவனம் பகிர்ந்துள்ளது.

விடாமுயற்சியின் இறுதிக்கட்ட படப்பிடிப்பு ஹைதராபாத்தில் விரைவில் துவங்குகிறது.