அறிமுக இயக்கநர் ஹரிஹரன் ராம் இயக்கத்தில் ரியோ ராஜ் நாயகனாக நடித்து வெளியான திரைப்படம் 'ஜோ'. இந்த படத்தில் மாளவிகா மனோஜ் மற்றும் பவ்யா ட்ரிகா கதாநாயகிகளாகவும் சார்லி, அன்பு தாசன், ஏகன் உள்ளிட்ட பலர் பிரதான கதாபாத்திரத்தில் நடித்துள்ளனர்.

திரையரங்கில் வெளியான இப்படம், ரசிகர்களிடையே நல்ல வரவேற்பை பெற்றது. காதல் கதையாக உருவாகியுள்ள ஜோ படத்துக்குக் கிடைத்த வரவேற்பைத் தொடர்ந்து இப்படத்திற்கான திரைகள் அதிகப்படுத்தப்பட்டன.

இந்நிலையில் மீண்டும் இந்த வெற்றிக் கூட்டணி இணைந்துள்ளது. 'பிளாக் ஷீப்' யூடியூப்பின் மூலம் பிரபலமான கலையரசன் தங்கவேல் இயக்கத்தில் இந்தக் கூட்டணி நடிக்க உள்ளது.

இந்தப் படத்தில் ஆர்ஜே விக்னேஷ் காந்த், நடிகை ஷீலா முக்கிய கதாபாத்திரங்களில் நடிக்கிறார்கள். ஜோ பட இசையமைப்பாளர் சித்துகுமார் இதில் இசையமைக்கிறார்.