நடிகர் மோகன்லால் நடிப்பில் உருவாகும் எம்புரான் படத்தின் வெளியீட்டுத் தேதி அறிவிக்கப்பட்டுள்ளது.

லைகா தயாரிப்பில் பிருத்விராஜ் இயக்கத்தில் நடிகர் மோகன்லால் எம்புரான் படத்தில் நடித்து வருகிறார். லூசிஃபர் படத்தின் இரண்டாம் பாகமாக உருவாகும் இப்படத்திற்காக பல ரசிகர்கள் காத்திருக்கின்றனர்.

லூசிஃபர் மிகப்பெரிய வெற்றிப்படமானது. அப்படத்தில், மோகன்லாலின் உதவியாளராக பிருத்விராஜ் சையத் மசூத் என்கிற கதாபாத்திரத்தில் நடித்திருந்தார்.

இதையும் படிக்க: டிக்கெட் விற்பனை... ரஜினியை பின்னுக்குத் தள்ளிய சிவகார்த்திகேயன்!

வெளிநாடுகளைத் தொடர்ந்து படத்தின் படப்பிடிப்பு தற்போது கொச்சியில் விறுவிறுப்பாக நடைபெற்று வருகிறது.

இந்த நிலையில், இப்படம் அடுத்தாண்டு மார்ச் 27 ஆம் தேதி திரைக்கு வரும் என அறிவிக்கப்பட்டுள்ளது. இப்படத்தில், நடிகர் டொவினோ தாமஸ் கேரள முதல்வராக நடிக்கவுள்ளது குறிப்பிடத்தக்கது.