அமரன் திரைப்படத்தின் வசூல் குறித்து தகவல் வெளியாகியுள்ளது.

நடிகர் சிவகார்த்திகேயன் நடிப்பில் உருவான அமரன் திரைப்படம் தீபாவளி வெளியீடாக அக். 31 அன்று திரையரங்குகளில் வெளியானது.

மறைந்த தமிழக ராணுவ மேஜர் முகுந்த் வரதராஜனின் வாழ்க்கையைத் தழுவி எடுக்கப்பட்ட இப்படம் ரசிகர்களிடம் பெரிய வரவேற்பைப் பெற்றுள்ளது. குறிப்பாக, படத்தில் இடம்பெற்ற சண்டை மற்றும் காதல் காட்சிகள் ரசிகர்களைக் கவர்ந்துள்ளன.

இதையும் படிக்க: பிக் பாஸில் சிவாஜி பேரன்! 6 வைல்டு கார்டு போட்டியாளர்கள் யார்?

அமரன் திரைப்படம் உலகளவில் முதல் நாளில் ரூ.42.3 கோடியை வசூலித்துள்ளதாகத் தயாரிப்பு நிறுவனம் அதிகாரப்பூர்வமாக அறிவித்திருந்த நிலையில், இப்படம் ஞாயிற்றுக்கிழமை நிலவரப்படி உலகளவில் ரூ. 150 கோடி வசூலித்துள்ளதாகத் தகவல் வெளியாகியுள்ளது.

சினிமா ரசிகர்களைத் தாண்டி நடிகர் ரஜினிகாந்த், தமிழக முதல்வர் ஸ்டாலின், நாம் தமிழர் கட்சித் தலைவர் சீமான், பாஜக தலைவர் அண்ணாமலை உள்ளிட்ட அரசியல்வாதிகளும் படத்தை பாராட்டியுள்ளனர்.

சிவகார்த்திகேயன் நடித்த படங்களிலேயே முதல் நாளில் பெரிய வசூலைப் பெற்ற திரைப்படம் இதுதான். விரைவில், ரூ.200 கோடியைத் தாண்டும் என விநியோகிஸ்தர்கள் கணித்துள்ளனர் .