வயலின் எல்லாம் ரெடியா..? ரெட்ரோ முதல் பாடலின் புரோமா!

நடிகர் சூர்யா நடித்த ரெட்ரோ படத்தின் முதல் பாடலின் புரோமோ விடியோ வெளியாகியுள்ளது.

நடிகர் சூர்யா - கார்த்திக் சுப்புராஜ் கூட்டணியில் உருவான திரைப்படம் ரெட்ரோ.

ஆக்சன் கலந்த காதல் கதையாக உருவாகியுள்ள இப்படத்தில், பூஜா ஹெக்டே நாயகியாகவும் நாசர், பிரகாஷ் ராஜ், ஜோஜு ஜார்ஜ் உள்ளிட்டோர் முக்கிய கதாபாத்திரங்களிலும் நடித்துள்ளனர்.

மே. 1 ஆம் தேதி வெளியாகும் இப்படத்தின் டீசர் ரசிகர்களிடையே வரவேற்பைப் பெற்றுள்ளது.

இப்படத்தின் முதல் பாடலான ’கண்ணாடி பூவே’ காதலர் நாளை முன்னிட்டு பிப். 13 ஆம் தேதி மாலை 5 மணிக்கு வெளியாகிறது.

தற்போது இந்தப் பாடலின் புரோமோ விடியோ வெளியாகியுள்ளது. அதில் சந்தோஷ் நாராயணன், “வயலின் எல்லாம் ரெடியா, ஷாட் போலாம்” எனக் கூறுவதாக விடியோ வெளியாகியுள்ளது.

இப்படத்திற்கு சந்தோஷ் நாராயணன் இசையமைத்து பாடலையும் பாடியுள்ளது குறிப்பிடத்தக்கது.