வித்தியாசமாக அப்டேட் கொடுத்த லாயர் படக்குழு!

விஜய் ஆண்டனி நடிக்கும் லாயர் படத்தின் அப்டேட்டை வெளியிட்டுள்ளனர்.

அண்மையில் வெளியாகி விமர்சகர்களிடம் பாராட்டுகளைப் பெற்ற ‘ஜென்டில்வுமன்’ படத்தின் இயக்குநர் ஜோஷ்வா சேதுராமன் இயக்கத்தில் விஜய் ஆண்டனி நடிக்கிறார்.

விஜய் ஆண்டனி ஃபிலிம் கார்பரேஷன் தயாரிப்பில் உருவாகும் இப்படத்திற்கு ”லாயர்” எனப் பெயரிட்டுள்ளனர்.

நீதிமன்ற பின்னணியில் ஒரு வித்தியாசமான வழக்கை மையமாக வைத்து, இப்படத்தின் கதையை உருவாக்கியுள்ளாராம் இயக்குநர் ஜோஷ்வா சேதுராமன்.

இப்படத்தில் முக்கிய கதாபாத்திரத்தில் ரவீனா டாண்டன் நடிக்கிறார். இந்த நிலையில், படத்தின் படப்பிடிப்பு துவங்கியதை அறிவிக்கும் விதமாக முதல் ஷாட் என விடியோ ஒன்றை வெளியிட்டுள்ளனர்.

அதில், விஜய் ஆண்டனியும் நாயகியும் இருக்க, அவர்களைச் சுற்றி கன்னியாஸ்திரிகளும், கிருஷ்ணர் வேடமிட்ட நபரும் இருக்கின்றனர். படத்தின் கதை இதில் இருக்கலாம் என ஊகிக்கப்படுகிறது.

இதையும் படிக்க: கூலியில் என் கதாபாத்திரம் சுவாரஸ்யமாக இருக்கும்: அமீர் கான்