சூர்யா - 46 படப்பிடிப்பு துவக்கம்!

நடிகர் சூர்யாவின் 46-வது திரைப்படத்தின் படப்பிடிப்பு துவங்கியுள்ளதாகப் படக்குழு அறிவித்துள்ளது.

தமிழ் திரையுலகின் முன்னணி நடிகரான சூர்யா மற்றும் இயக்குநர் கார்த்திக் சுப்புராஜ் ஆகியோரது கூட்டணியில் உருவான ‘ரெட்ரோ’ திரைப்படம் கடந்த மே மாதம் வெளியாகி, கலவையான விமர்சனங்களைப் பெற்றுள்ளது.

இந்நிலையில், அவரது 46-வது திரைப்படம் குறித்த அறிவிப்பு இன்று (ஜூன் 11) வெளியாகி அவரது ரசிகர்களை உற்சாகமடைய வைத்துள்ளது.

நடிகர் துனுஷின் வாத்தி, துல்கர் சல்மானின் லக்கி பாஸ்கர் ஆகிய வெற்றி திரைப்படங்களின் இயக்குநர் வெங்கி அட்லுரி, சூர்யாவின் 46-வது படத்தை இயக்கவுள்ளார்.

இந்தப் புதிய படத்தில், நடிகைகள் மமிதா பைஜூ, ராதிகா சரத்குமார், ரவீனா டண்டன் ஆகியோர் முக்கிய கதாபாத்திரங்களில் நடிக்கவுள்ளனர்.

இசையமைப்பாளர் ஜீ.வி.பிரகாஷ் இசையில் உருவாகும் இந்தப் படத்தில் மீண்டும் லக்கி பாஸ்கர் படத்தின் தொழிநுட்பக் குழுவினர் இணைந்துள்ளதாகக் கூறப்படுகிறது.

இதையும் படிக்க: 3,000 காட்சிகள் குறைப்பு: படுதோல்வியை நோக்கி கமலின் தக் லைஃப் திரைப்படம்!