தள்ளிப்போகும் மோகன் லால் - மம்மூட்டியின் பேட்ரியாட் வெளியீடு!

நடிகர்கள் மோகன் லால் மற்றும் மம்மூட்டி இணைந்து நடித்துள்ள “பேட்ரியாட்” திரைப்படத்தின் வெளியீடு ஒத்திவைக்கப்பட்டுள்ளது.

மலையாள திரையுலகின் ஜாம்பவான் நடிகர்களான மோகன் லால் மற்றும் மம்மூட்டி நீண்ட காலத்துக்குப் பிறகு இணைந்து நடித்துள்ள புதிய திரைப்படம் “பேட்ரியாட்”. இப்படத்தை, முன்னணி இயக்குநர் மகேஷ் நாராயணன் இயக்கியுள்ளார்.

இப்படத்தில், நடிகர்கள் குஞ்சக்கோ போபன், ஃபஹத் ஃபாசில், நயன்தாரா, ரேவதி, கிரேஸ் ஆண்டனி, தர்ஷனா ராஜேந்திரன், ராஜீவ் மேனன் உள்ளிட்டோரும் நடித்துள்ளனர். மேலும், சுஷின் ஷியாம் இசையமைத்துள்ளார்.

இந்த நிலையில், 2026 ஆம் ஆண்டில் மலையாள சினிமாவின் மிகப் பெரிய வெளியீடாகக் கருதப்படும் “பேட்ரியாட்” திரைப்படம் வரும் மே 1 அன்று வெளியாகும் என படக்குழுவினர் புதன்கிழமை (ஏப். 1) அன்று அறிவித்துள்ளனர்.

ஏற்கெனவே, இப்படம் வரும் ஏப்ரல் 23 அன்று திரையரங்குகளில் வெளியாகும் என அறிவிக்கப்பட்டிருந்தது குறிப்பிடத்தக்கது.