ஓடிடியில் மிரள வைக்கும் திரில்லர் திரைப்படம்: எதில் பார்க்கலாம்?

மலையாள மொழித் திரைப்படமான சம்பவம் அத்தியாயம் ஒன்னு திரைப்படம் ஓடிடி தளத்தில் வெளியாகி ரசிகர்களின் கவனத்தை ஈர்த்து வருகிறது.

இந்தப் படத்தை ஜித்து சதீசன் மங்களத்து எழுதி, இயக்கியுள்ளார். மேலும் இந்தப் படத்தில் அஸ்கர் அலி, வினீத் குமார், சித்தார்த் பரதன், செந்தில் கிருஷ்ணா, அசிம் ஜமால் உள்ளிட்ட பலர் முக்கிய பாத்திரங்களில் நடித்துள்ளனர்.

காட்வின் தாமஸ் இசையமைத்துள்ள இந்தப் படத்துக்கு, நவீன் நஜோஸ் ஒளிப்பதிவு மேற்கொண்டுள்ளார்.

சஸ்பென்ஸ் மற்றும் திரில்லர் பாணியில் எடுக்கப்பட்டுள்ள இந்தப் படத்துக்கு, விஎஃப்எக்ஸ்(VFX) தொழில்நுட்ப அம்சங்கள் கூடுதல் வலுசேர்க்கின்றன.

சம்பவம் அத்தியாயம் ஒன்னு படம் கடந்த மார்ச் 6 ஆம் தேதி திரையரங்குகளில் வெளியாகி ரசிகர்களின் மத்தியில் வரவேற்பு பெற்றது.

இந்த நிலையில், சம்பவம் அத்தியாயம் ஒன்னு திரைப்படம் மலையாளம், தமிழ், தெலுங்கு, கன்னடம், ஹிந்தி மொழிகளில் இன்று(ஏப். 15) ஜியோ ஹாட் ஸ்டாரில் வெளியாகியுள்ளது.