நடிகர் பவன் கல்யாணின் உஸ்தாத் பகத் சிங் திரைப்படத்தின் வெளியீட்டுத் தேதி அறிவிக்கப்பட்டுள்ளது.

நடிகர் பவன் கல்யாண் இறுதியாக நடித்த ஓஜி திரைப்படம் ரசிகர்களிடம் வரவேற்பைப் பெற்றதுடன் ரூ. 300 கோடிக்கும் அதிகமாக வசூலித்து அசத்தியது.

அடுத்ததாக, பவன் கல்யாண் உஸ்தாத் பகத் சிங் திரைப்படத்தில் நடித்து முடித்தார். இப்படத்தை இயக்குநர் ஹரிஷ் ஷங்கர் இயக்க, தேவி ஸ்ரீ பிரசாத் இசையமைத்துள்ளார்.

இந்த நிலையில், இப்படம் வருகிற மார்ச் 19 ஆம் தேதி திரைக்கு வருமென அறிவிக்கப்பட்டுள்ளது.

உஸ்தாத் பகத் சிங்கும் ஆக்சன் பின்னணியில் உருவாகியுள்ளதால் பவன் ரசிகர்கள் வெளியீட்டிற்காகக் காத்திருக்கின்றனர்.