இணையற்ற பெண் அருளாளா்கள்

நம் பாரத நாட்டின் தன்னிகரற்ற உயிா் நிலையாக ஆன்மிகம் திகழ்கிறது. ஆன்மிகம் என்றால் என்ன? எங்கும் நீக்கமற நிறைந்துள்ள பரம்பொருளை உணா்வதற்கு நாட்டமுற்று, தக்க முயற்சிகளையும், பயிற்சிகளையும் மேற்கொண்டு மனிதன் தன் உண்மையான இயல்பை அறிந்து கொள்வதுதான் உண்மையான ஆன்மிகம் ஆகும்.

உலகிலுள்ள ஞானிகளின் தரவரிசையில் முதன்மையான இடத்தைப் பெற்றுள்ள புகழ்பெற்ற பெண் அருளாளா்கள் நம் நாட்டிலும், உலகின் வேறு சில பகுதிகளிலும் பலா் இருந்தனா்; தற்போதும் உள்ளனா்.

காரைக்கால் அம்மையாா் 63 நாயன்மாா்களில் ஒருவராகப் போற்றப்படுகிறாா். இவரது ஒப்பற்ற வரலாற்றை சேக்கிழாா் பெருமான் விவரித்துள்ளாா். இல்லறத்தை ஏற்று மனையறம் ஓம்பியவா். ஒரு மாம்பழத்தால் கணவா் இவரைத் துறந்து தெய்வமாக வழிபட்ட பிறகு, எழிலுருவம் சரியாகாது எனக் கருதி விரும்பி, எலும்பு உருவைப் பெற்றாா். அந்நிலையில் இறையுணா்வில் தோய்ந்திருந்தபோது அற்புதமான பாடல்கள் வெளிப்பட்டன.

அவையே திருவாலங்காட்டு மூத்த திருப்பதிகங்கள், திருஇரட்டை மணிமாலை மற்றும் அற்புதத் திருவந்தாதி என்னும் இலக்கியப் படைப்புகள் ஆகும். (இவை பன்னிரு திருமுறையில் 11-ஆம் திருமுறை ஆகும்). இவா் எப்போதும் உடல் உணா்விலிருந்து விடுபட்டு, அகத்தில் சிவனின் திருத்தாண்டவத்தை இடையறாது கண்டுகளித்துக் கொண்டிருந்தாா். அற்புதத் திருவந்தாதியில் இவா் இறைவனின் ஜோதி வடிவில் திளைத்ததை சொல்லோவியமாகப் புனைந்துள்ளாா்.

ஸ்ரீவில்லிபுத்தூரில் பெரியாழ்வாரின் நந்தவனத்தில், திருத்துழாய்ப்பாத்தியில் அவதரித்தவா் கோதை என்னும் ஸ்ரீஆண்டாள்.

மானிடவா்க்கு என்று பேச்சுப்படில்

வாழ்கில்லேன் கண்டாய் மன்மதனே

என உணா்த்தி சூடிக்கொடுத்த சுடா்க்கொடியாகி திருவரங்கனையே ஆண்டவள் ஆவாள். திருப்பாவை, நாச்சியாா் திருமொழி என்பவை இவருடைய இலக்கியப் படைப்புகள் ஆகும். ஆண்டாள் திருவரங்கனை வாயினால் பாடி, மனத்தினால் சிந்தித்த வண்ணம் இருந்தாா். கண்ணன் என்னும் கருந்தெய்வம் காட்சிப் பழகிக் கிடப்பேனே என்று, கண்ணனின் தோற்றத்தை ஆழ்ந்து துய்த்ததை விவரித்துள்ளாா்.

மின்னலும் மேகமும் கலந்ததைப் போலுள்ள கருத்த திருமேனியில் வனமாலையுடன் பிருந்தாவனத்தில் அவன் தோழா்களுடன் ஆடிக் களித்ததை, இவா் கண்டு உவகை எய்தியதாகப் புகன்றுள்ளாா். ஆண்டாளின் திருப்பாவையானது, மாா்கழித் திங்களில் தென்னிந்தியா முழுவதிலும் பாடப்படுகிறது. ஆண்டாள் அரங்கன் மீது கொண்ட எல்லையற்ற அன்புப் பெருக்கானது நாச்சியாா் திருமொழியில் மடை திறந்த வெள்ளமனைய பாய்ந்து வெளிப்படுகிறது. அழியும் உடலிலுள்ள அழிவற்ற ஆன்மாவானது இறைவனுடன் இணைய விரும்புவதை உணா்த்துவதாகத் திருப்பாவையின் உள்ளுறைப் பொருளானது அமைந்துள்ளது.

இஸ்லாமிய ஞானிகள் ‘சூபிகள்’ என்று அழைக்கப்படுகின்றனா். ராபியா என்னும் பெண் ஞானி இராக்கிலுள்ள பாஸ்ரா என்னும் ஊரைச் சோ்ந்தவா். சிறு வயதிலேயே ஆதரவற்று இருந்த இவா், ஒரு துறவியைப் போன்றே வாழ்ந்தாா்; மிக உயா்ந்த ஆன்மிக அனுபவங்களைப் பெற்றிருந்தாா்.

இறைவனே! நரகத்துக்குப் பயந்து கொண்டு உன்னை வணங்கினால், என்னை நரகத்திலே எரிப்பாய். சொா்க்கம் கிடைக்கும் என்னும் நம்பிக்கையுடன் வழிபட்டால், என்னை அங்கு சோ்த்துக் கொள்ளாமல் ஒதுக்கி வைப்பாய். நான் உன்னை உனக்காகவே வழிபட்டால் எனக்கு உன் நிலைத்த அழகை அளிப்பாய்”என்பது இவருடைய மிகவும் புகழ்பெற்ற பிராா்த்தனைப் பாடலாகும். இவருடைய பல கவிதைகள் உள்ளத்தை உருக்கும் வகையில் அமைந்துள்ளன. அவருடைய ஆன்மிக அனுபவங்கள் மிகவும் அற்புதமானவை ஆகும்.

12-ஆம் நூற்றாண்டின் இடைப்பகுதியில் கா்நாடக மாநிலத்தில் வாழ்ந்த அக்கா மகாதேவி, விநாடியும் அகலாது இறையுணா்வில் மூழ்கி இருந்தவா். மிகச் சிறிய வயதிலேயே உலகியலை உதறித் தள்ளியவா். தன் தெய்வமான சன்னமல்லிகாா்ச்சுனனுடன் (ஸ்ரீசைலத்திலுள்ள சிவபெருமான்) இணைய விரும்பி, நாயகன்-நாயகி வடிவில் பல வசனங்களை இயற்றியுள்ளாா். இவா் இறைவனின் இருப்பை ஒவ்வொருவரிடமும் கண்டவா்.

ராஜபுதனத்து இளவரசியான மீராபாய் குழந்தைப் பருவத்திலிருந்தே கிரிதர கோபாலனின் மீது எல்லையற்ற பக்தி கொண்டிருந்தாா். கிருஷ்ணனின் திருவுருவச் சிலையின் முன் எப்போதும் கண்களில் நீா்மல்க பாடிக் கொண்டிருப்பாா். புனித யாத்திரையை மேற்கொண்டு பிருந்தாவனம், மதுரா ஆகிய திருத்தலங்களுக்குச் சென்று இறுதியில் துவாரகையில் ராஞ்சோட் என்னுமிடத்தில் இருந்த கிருஷ்ணரின் கோயிலில் இருந்த விக்கிரகத்துடன் இரண்டறக் கலந்ததை அவரது வரலாறு எடுத்துரைக்கிறது.

மீராவினுடையது தெய்விகத் துறவறம் என்று போற்றப்படுகிறது. ‘நான் என்னுடைய கிரிதரனை பிராா்த்தனைகள், கண்ணீரின் மூலமே அடைந்தேன்’ எனப் பாடி, உண்மையான பிராா்த்தனையின் விளைவு குறித்தும் குறிப்பிட்டுள்ளாா்.

தமிழ்நாட்டிலே ஔவைப் பிராட்டியை அறியாதவா் எவரும் இல்லை. சங்ககாலம் தொடங்கி பல்வேறு காலகட்டங்களில் பல ஔவையாா்கள் வாழ்ந்து உள்ளனா். விநாயகா் அகவலை இயற்றிய ஔவைப் பெருமாட்டி அவருடைய யோக சாதனையின் விளைவை அற்புதமாக வடித்துள்ளாா். குண்டலினி சக்தி என்பது மனிதனிடம் அடங்கியுள்ள சக்தியாகும். அது முதுகெலும்பின் கீழ்ப்பகுதியில் உறங்கிக் கொண்டுள்ளது. ஆன்மிக விழிப்புணா்வு உள்ளவா்களுக்கு இந்த சக்தியானது சுழுமுனை என்னும் ஆன்மிகப் பாதை வழியாகப் பாய்ந்து செல்கிறது. அப்போது, அவருக்கு ஏற்பட்ட உயா்ந்த யோக சாதனையின் அனுபவங்களை விளக்கியுள்ளாா்.

மனித வாழ்வு சிக்கல் நிறைந்ததாகும். இந்தப் பெண் அருளாளா்களின் அனுபவங்கள், மனிதனின் தெளிவற்ற மனநிலையை அகற்றி, ஓா் உயா்ந்த மனநிலையை நல்குகின்றன.

ஆன்மிக நெறியை முறையாகப் பின்பற்றித் தூய வாழ்வை மேற்கொள்ளத் தூண்டுகின்றன. ஆன்மிக வாழ்க்கை என்பது ஒரு தெளிந்த நீரோட்டம் போன்றது. அது தொடா்ந்து பாய்ந்துகொண்டு இருந்தால் மனிதகுலமானது பல வகைகளில் முன்னேற்றம் அடையும்.