ஜூலை 1-ல் பொறியியல் மாணவர் சேர்க்கை தரவரிசைப் பட்டியல் வெளியீடு!

தமிழ்நாடு பொறியியல் மாணவர் சேர்க்கை தரவரிசைப் பட்டியல் வரும் ஜூலை 1-ல் வெளியாகும் என்று உயர்கல்வித் துறை அமைச்சர் பெ. விஸ்வநாதன் தெரிவித்துள்ளார்.

இது குறித்து உயர்கல்வித் துறை அமைச்சர் பெ. விஸ்வநாதன் வெளியிட்ட செய்தி அறிக்கையில் தெரிவித்துள்ளதாவது :

சிபிஎஸ்இ-ன் மறுமதிப்பீட்டு மதிப்பெண்கள் கடந்த ஜூன் 21 ஆம் தேதி வெளிவந்த நிலையில், வரும் ஜூன் 29 ஆம் தேதி வெளியிட இருந்த தரவரிசைப் பட்டியல் வரும் ஜூலை 1 ஆம் தேதி வெளியிடப்படும்.

மேலும், பொறியியல் சேர்க்கைக்கான கலந்தாய்வு (கவுன்சிலிங்) தேதிகளும் வரும் ஜூலை 1 ஆம் தேதி அறிவிக்கப்படும்.

வெளியிடப்படும் தரவரிசைப் பட்டியலில் ஏதேனும் குறைகள் இருப்பின், அவற்றைச் சரிசெய்வதற்கான குறைதீர்ப்புகாலம் ஜூலை 1 முதல் 6 வரை வழங்கப்படும்.

இந்தக் காலகட்டத்தில் மாணவர்கள் தங்களுக்குரிய குறைகளை நிவர்த்தி செய்து கொள்ள, அருகிலுள்ள தமிழ்நாடு பொறியியல் மாணவர் சேர்க்கை சேவை மையங்களைநேரில் அனுகலாம் என்று பெ. விஸ்வநாதன் குறிப்பிட்டுள்ளார்.