மருத்துவ சிகிச்சைக்காக பாரிக்கர் இன்று அமெரிக்கா பயணம்

கோவா முதல்வர் மனோகர் பாரிக்கர் மருத்துவ பரிசோதனை மற்றும் சிகிச்சைக்காக வெள்ளிக்கிழமை(ஆக. 10) அமெரிக்கா செல்கிறார்.
இதுகுறித்து முதல்வர் அலுவலக அதிகாரி கூறுகையில், பாரிக்கர் மருத்துவ சிகிச்சைக்காக ஆக. 10-ம் தேதி அமெரிக்கா செல்லவிருக்கிறார். அவர் அமெரிக்காவில் சிகிச்சையை முடித்துக் கொண்டு வரும் 17 -ம் தேதி இந்தியா திரும்பி வரவிருக்கிறார். பாரிக்கர் கோவாவிலிருந்து புறப்பட்டு வியாழக்கிழமை இரவு மும்பை சென்று அங்கிருந்து விமானம் மூலம் அமெரிக்கா செல்கிறார் என்று கூறினார். 
கணைய அழற்சி நோயால் பாதிக்கப்பட்டுள்ள பாரிக்கர் மார்ச் 7-ல் மருத்துவ சிகிச்சைக்காக அமெரிக்கா சென்று ஜூன் 14-ல் இந்தியாவுக்கு திரும்பி வந்தது குறிப்பிடத்தக்கது.