திருமணப் பதிவு மட்டுமே போதுமானதல்ல; மத சம்பிரதாயப்படி நடப்பதே ஹிந்து திருமணம் - குஜராத் உயா்நீதிமன்றம்

திருமணத்தை பதிவு செய்து கொள்வதால் மட்டுமே அதை ஹிந்து திருமணம் என்று ஏற்றுக் கொள்ள முடியாது. அந்த பிராந்தியம், கலாசாரத்தில் மத சம்பிரதாயப்படி நடப்பதையே ஹிந்து திருமணம் என்று ஏற்றுக் கொள்ள முடியும் என்று குஜராத் உயா்நீதிமன்றம் தெரிவித்துள்ளது.

பிரிட்டனைச் சோ்ந்த ஒருவா், குஜராத் பெண் மற்றும் அவரது குடும்பத்துக்கு எதிராக மாநில உயா்நீதிமன்றத்தில் ஒரு மனு தாக்கல் செய்திருந்தாா். அதில், ‘சம்பந்தப்பட்ட பெண்ணுடன் எனக்கு திருமணம் நடைபெறாதபோதிலும், திருமணம் நடைபெற்ாகக் கூறி பதிவுச் சான்றிதழை வைத்து மாவட்ட நீதிமன்றத்தில் அவா்கள் வழக்குத் தொடுத்தனா். அந்தச் சான்றிதழில் எனது கையொப்பம் போலியாக இடப்பட்டுள்ளது. அந்தச் சான்றிதழின் அடிப்படையில் நாங்கள் இருவரும் கணவன்-மனைவி என்று உறுதி செய்த மாவட்ட நீதிமன்றம், திருமணம் செல்லபடியாகும் என்று தீா்ப்பளித்தது. ஆனால், அந்தப் பெண்ணுடன் சோ்ந்து நான் வாழ்க்கை நடத்தியது இல்லை. எனவே, மாவட்ட நீதிமன்றத்தின் தீா்ப்பை ரத்து செய்ய வேண்டும்’ என்று பிரிட்டன் நபா் கோரியிருந்தாா். இந்த வழக்கை அண்மையில் விசாரித்த நீதிபதிகள் கூறியதாவது:

‘சப்தபதி’ எனப்படும் ஏழு படிநிலைகளின்படி ஹிந்து திருமணம் நடைபெற்றிருக்க வேண்டும். மணமகன்-மணமகள் இணைந்து சம்பந்தப்பட்ட மதச் சடங்குகளில் ஈடுபட்டிருக்க வேண்டும். அப்போதுதான் திருமணத்துக்கு உரிய மத, சமூக, சட்ட அந்தஸ்து வழங்க முடியும். மேலும், இந்த வழக்கில் தொடா்புடைய இருவரும் கணவன்-மனைவியாகச் சோ்ந்து வாழவில்லை என்பதும் உறுதியாகியுள்ளது.

ஹிந்து திருமண பாரம்பரியத்தின்படி மனைவி என்பவா் கணவரின் ஒரு பகுதியாகவும், அதே நேரத்தில் தனது தனித்தன்மையுடன் விளங்கும் பெண்மணியாகவும் அங்கீகரிக்கப்படுகிறாா். திருமணச் சடங்குகளில் ஒருமித்து ஈடுபடுவதன் மூலம்தான் இருவரும் இணைந்து புதிய குடும்பமாகிறாா்கள் என்பதற்கான அடிப்படை. இதுதான் சமுதாயத்தில் திருமணம் சாா்ந்த முக்கிய நிகழ்வாகவும் உள்ளது.

பாடல், இசை, நடனம், விருந்து ஆகியவற்றை திருமணத்தில் இணைத்திருப்பது வா்த்தகம் சாா்ந்த நடவடிக்கைதான். ஆனால், உண்மையான அக்கறையுடன் நடக்கும் புனித சடங்குகள்தான் இருவா் திருமண உறவுக்குள் வருவதற்கும், எதிா்காலத்தில் வாழ்க்கையில் இணைந்து பயணிப்பாா்கள் என்பதற்குமான உறுதியேற்கும் அடிப்படை நிகழ்வு.

இருவரும் பரஸ்பரம் மரியாதை, கண்ணியம், சமமாக நடத்துவது, நல்லுறவைப் பேணுவது, வாழ்க்கை முழுவதும் இணைந்து பயணிக்க உறுதியேற்பதுதான் திருமணத்தின் புனிதத்தன்மை. இதற்காகவே சில பாரம்பரிய சம்பிரதாயங்கள் ஒவ்வொரு பிராந்தியம், கலாசாரத்துக்கு ஏற்றபடி கடைப்பிடிக்கப்படுகின்றன. எனவே, மனுதாரரின் திருமணம் தொடா்பான விசாரணை நீதிமன்றத்தின் தீா்ப்பு செல்லாது என்று நீதிபதிகள் உத்தரவிட்டனா்.