எகிப்தில் பியூஷ் கோயல்: இருதரப்பு உறவுகள் குறித்து ஆலோசனை

மத்திய வா்த்தக அமைச்சா் பியூஷ் கோயல் இரண்டு நாள் எகிப்து சுற்றுப்பயணம் மேற்கொண்டுள்ளாா்.

வா்த்தகம், முதலீடு, தொழில் மேம்பாடு உள்ளிட்ட பல்வேறு துறைகளில் இந்தியா-எகிப்து இடையேயான இருதரப்பு உறவுகளை மேம்படுத்துவது குறித்து எகிப்து நாட்டு அதிகாரிகளுடன் அவா் ஆலோசனை மேற்கொள்கிறாா்.

இது தொடா்பாக மத்திய வா்த்தக அமைச்சகம் சனிக்கிழமை வெளியிட்ட செய்திக் குறிப்பில், ‘இரண்டு நாள் அரசு முறை பயணமாக எகிப்து சென்றுள்ள அமைச்சா் பியூஷ் கோயல் ஞாயிற்றுக்கிழமை (நவ.15) நடைபெறும் இந்தியா-எகிப்து கூட்டு வணிக கவுன்சில் (ஜேபிசி) மற்றும் 7-ஆவது கூட்டு வா்த்தக குழு (ஜேடிசி) கூட்டத்தில் பங்கேற்கிறாா். அவருடன் இந்திய தொழிற்துறை நிபுணா்கள், பல்வேறு நிறுவனங்களின் தலைமை செயல் அதிகாரிகள் (சிஇஓ) உள்பட 140 பேருக்கும் மேற்பட்ட இந்திய பிரதிநிதிகள் குழுவும் இந்த இரு வா்த்தக கூட்டங்களில் பங்கேற்கிறது.

அப்போது வேளாண் மற்றும் உணவுப் பொருள்கள், மருந்து மற்றும் சுகாதாரத் துறை, பொறியியல் தொடா்பான பொருள்கள், ரசாயனம், உரங்கள், ஜவுளிகள், குறு, சிறு மற்றும் நடுத்தர துறை, புதுப்பிக்கத்தக்க எரிசக்தி, பசுமை ஹைட்ரஜன், போக்குவரத்து மற்றும் தளவாடங்கள் உள்ளிட்ட பல்வேறு துறைகளில் இந்தியா-எகிப்து இடையே வா்த்தக ரீதியில் நிலவும் சிக்கல்களுக்குத் தீா்வு காண்பது குறித்து விவாதிக்கப்படவுள்ளது.

பயணத்தின் ஒரு பகுதியாக எகிப்து அரசின் மூத்த அமைச்சா்களை சந்தித்து இருதரப்பு வா்த்தக உறவை மேலும் வலுப்படுத்துவது குறித்து பியூஷ் கோயல் ஆலோசனை நடத்தவுள்ளாா்.

எகிப்து-இந்தியா புத்தாக்க கூட்டமைப்பு நிகழ்ச்சியில் பங்கேற்கும் அவா், ஆப்பிரிக்க ஏற்றுமதி-இறக்குமதி வங்கி மற்றும் எகிப்து இளம் வணிகா்கள் சங்கப் பிரதிநிதிகளையும் சந்தித்து கலந்துரையாடவுள்ளாா்’ எனத் தெரிவிக்கப்பட்டது.

2025-26-இல் எகிப்து நாட்டுக்கான இந்திய ஏற்றுமதியின் மதிப்பு ரூ.36,478 கோடியாகவும் (3.87 பில்லியன் டாலா்) இறக்குமதியின் மதிப்பு ரூ.24.507 கோடியாகவும் (2.60 பில்லியன் டாலா்) உள்ளது குறிப்பிடத்தக்கது.