காங்கிரஸில் இணைகிறது திதெமுக

சென்னை, ஜூலை. 8:  ஜி. காமாட்சி நாயுடு தலைமையிலான திராவிட தெலுங்கர் முன்னேற்றக் கழகம் காங்கிரஸில் இணையும் விழா ஜூலை 9-ம் தேதி சத்தியமூர்த்திபவனில் நடைபெறுகிறது.

இந்த விழாவுக்கு தமிழக காங்கிரஸ் கட்சித் தலைவர் தங்கபாலு தலைமை வகிக்கிறார். முன்னாள் மத்திய அமைச்சர் திருநாவுக்கரசர் வாழ்த்துரை வழங்குகிறார் என காங்கிரஸ் கட்சி வெளியிட்ட செய்திக்குறிப்பில் தெரிவிக்கப்பட்டுள்ளது.