ராயன் படப்பிடிப்பு காட்சிகள் வெளியீடு!

ராயன் படத்தின் படப்பிடிப்பின்போது எடுக்கப்பட்ட பிரத்யேக காட்சிகளை படக்குழு வெளியிட்டுள்ளது.

நடிகர் தனுஷ் நடிப்பில் உருவான ராயன் திரைப்படம் வெள்ளிக்கிழமை திரையரங்குகளில் வெளியானது.

வடசென்னையில் தன் தம்பிகள் மற்றும் தங்கையுடன் வாழ்ந்து வரும் ராயன் (தனுஷ்) எதிர்கொள்ளும் பிரச்னைகளும் திருப்பங்களுமாக உருவான இப்படம் ரசிகர்களிடம் கலவையான விமர்சனங்களைப் பெற்று வருகிறது.

நடிகர் தனுஷின் 50ஆவது படமான ராயன் படத்தை அவரே எழுதி, இயக்கியுள்ளார். இப்படத்துக்கு ஏ.ஆர். ரஹ்மான் இசையமைத்துள்ளார். இந்தத் திரைப்படத்தில் செல்வராகவன், எஸ்.ஜே.சூர்யா, பிரகாஷ் ராஜ், காளிதாஸ் ஜெயராம், சந்தீப் கிஷான், நடிகை துஷாரா விஜயன், நடிகை அபர்ணா பாலமுரளி, வரலட்சுமி சரத்குமார், சரவணன் உள்ளிட்டோர் நடித்துள்ளனர்.

இந்த நிலையில், தனுஷின் பிறந்த நாளையொட்டி ராயன் படத்தின் படப்பிடிப்பின்போது எடுக்கப்பட்ட பிரத்யேக காட்சிகளை(பிடிஎஸ்) படக்குழு வெளியிட்டுள்ளது. இந்த விடியோ இணையத்தில் வைரலாகியுள்ளது.