திருச்சிற்றம்பலம் படத்தின் இயக்குநர் மித்ரன் கே. ஜவஹர் இயக்கும் புதிய படத்தில் மாதவன் இணைந்துள்ளார்.

யாரடி நீ மோகினி படத்தின் மூலம் கவனம் பெற்ற இயக்குநர் மித்ரன் கே. ஜவஹர் இயக்கத்தில் தனுஷ் நடித்த படம் - திருச்சிற்றம்பலம். இப்படம் விமர்சன ரீதியாகவும், வசூல் ரீதியாகவும் நல்ல வரவேற்பைப் பெற்றது.

இந்த நிலையில், மித்ரன் கே. ஜவஹர் இயக்கும் புதிய படத்தில் நடிகர் மாதவன் நடிக்கிறார். இவருக்கு ஜோடியாக நடிகை மடோனா செபாஸ்டியன் நடிக்கிறார். மேலும் இப்படத்தில் ராதிகா சரத்குமார், சாய் தன்ஷிகா, உதய் மகேஷ் உள்ளிட்டோரும் நடிக்கின்றனர்.

இதையும் படிக்க: கங்குவா 2-வது டிரைலர் தயார்!

இப்படத்திற்கு அதிர்ஷ்டசாலி எனப் பெயரிடப்பட்டுள்ளது. இப்படத்தின் படப்பிடிப்பு நிறைவுற்ற நிலையில், இறுதிக்கட்டப் பணிகள் நடைபெற்று வருகிறது.

யுவன் சங்கர் ராஜா இசையமைக்கும் இப்படத்துக்கு கார்த்திக் முத்துகுமார் ஒளிப்பதிவு செய்கிறார். இப்படம் விரைவில் வெளியாகவுள்ளது.

அதிர்ஷ்டசாலி படத்தின் முதல் பார்வை போஸ்டர் இணையத்தில் வெளியாகி வைரலாகியுள்ளது.