சென்னை: சென்னையில் 22 கேரட் ஆபரண தங்கத்தின் விலை மீண்டும் உயர்ந்துள்ளது. சவரனுக்கு ரூ.680 உயர்ந்து ரூ.58,280-க்கு விற்பனை செய்யப்படுகிறது.

சென்னையில் தங்கம் விலை நவம்பா் மாத தொடக்கம் முதலே குறைந்த வண்ணம் உள்ளது. நவ.1-ஆம் தேதி பவுன் ரூ.560 குறைந்து ரூ.59,080-க்கும், நவ. 2-இல் பவுனுக்கு ரூ.120 குறைந்து ரூ.58,960-க்கும், தொடா்ந்து நவ.5-இல் ரூ.120 குறைந்து ரூ.58,840-க்கும் விற்பனையானது.

புதன்கிழமை பவுனுக்கு ரூ.80 உயா்ந்து ரூ.58,920-க்கு விற்பனையான நிலையில், வியாழக்கிழமை கிராமுக்கு ரூ.165 குறைந்து ரூ.7,200-க்கும், பவுனுக்கு ரூ.1,320 குறைந்து ரூ.57,600-க்கும் விற்பனையானது.

இதையும் படிக்க | தமிழகத்தில் தனியார் பால் விலை உயர்வு: மக்கள் அதிர்ச்சி!

மீண்டும் விலை உயர்வு

இந்த நிலையில், சென்னையில் 22 கேரட் ஆபரண தங்கத்தின் விலை வெள்ளிக்கிழமை கிராமுக்கு ரூ.85 உயர்ந்து ரூ.7,285-க்கும், பவுனுக்கு ரூ.680 உயர்ந்து ரூ.58,280-க்கு விற்பனை செய்யப்படுகிறது.

வெள்ளி விலை உயர்வு

அதேபோன்று வெள்ளி விலையும் கிராமுக்கு ரூ.1 உயர்ந்துள்ளது.

வெள்ளி விலை வியாழக்கிழமை கிராமுக்கு ரூ.3 குறைந்து ரூ.102-க்கு விற்பனையான நிலையில், வெள்ளிக்கிழமை கிராமுக்கு ரூ.1 உயர்ந்து ரூ.103-க்கும், ஒரு கிலோ (கட்டி வெள்ளி) ரூ.1,000 உயர்ந்து ரூ.1,03,000-க்கும் விற்பனையாகிறது.