இட்லி கடை படத்தின் புதிய போஸ்டர்களை படக்குழுவினர் வெளியிட்டுள்ளனர்.

ராயன் படத்தை தொடர்ந்து நடிகர் தனுஷ் நிலவுக்கு என்மேல் என்னடி கோபம் படத்தில் இயக்குநராகவும் குபேரா, இட்லி கடை படங்களில் நாயகனாகவும் நடித்து வருகிறார்.

இதில், இட்லி கடை படத்தை அவரே இயக்குகிறார். இப்படத்தின் படப்பிடிப்பு தென்காசியில் தீவிரமாக நடைபெற்று வருகிறது. நடிகர்கள் அருண் விஜய், நித்யா மெனன், பிரகாஷ் ராஜ், ராஜ் கிரண் உள்ளிட்டோர் நடிக்கின்றனர்.

இதையும் படிக்க: பெயரை மாற்றினார் 'ஜெயம் ரவி'!

படம் அடுத்தாண்டு ஏப்.10ஆம் தேதி உலகமெங்கும் வெளியாகுமென அறிவிக்கப்பட்டுள்ளது.

இந்த நிலையில், இட்லி கடை படத்தின் புதிய போஸ்டர்களை படக்குழுவினர் வெளியிட்டு பொங்கல் வாழ்த்துகளையும் தெரிவித்துள்ளனர்.